Ráðhús - viðhaldsáætlun

Umhverfis- og mannvirkjaráð telur einboðið að ráðast strax í brýnustu endurbætur á ráðhúsi vegna flóttaleiða og rakavandamála samanber skýrslu frá Mannviti. Frekari endurbætur á ráðhúsi þurfa að skoðast í samhengi við viðhaldsþörf á skrifstofum bæjarins í Glerárgötu og þá meginhugmynd að byggja við ráðhús og sameina skrifstofur Akureyrarbæjar á einum stað.


Gunnar Már Gunnarsson B-lista, Jana Salóme Ingibjargar Jósepsdóttir V-lista og Sindri Kristjánsson S-lista óska bókað:

Sú ákvörðun meirihluta bæjarstjórnar sl. haust að fella út af framkvæmdaáætlun endurbætur og viðbyggingu við ráðhúsið er nú fallin um sjálfa sig á innan við hálfu ári miðað við þá mynd sem dregin er upp í þessu máli. Sú framkvæmd hefði haft í för með sér hagræðingu og sparnað til lengri tíma og ákjósanlegur kostur í núverandi efnahagsástandi og afar óheppilegt að fallið hafi verið frá henni.

Umhverfis- og mannvirkjaráð óskar eftir frekari útfærslum á flóttastiga og framkvæmdaáætlun fyrir þá framkvæmd.

Umhverfis- og mannvirkjaráð samþykkir að leitað verði eftir tilboðum í flóttastiga fyrir Ráðhúsið á Akureyri.

Umhverfis- og mannvirkjaráð samþykkir að taka tilboði frá lægstbjóðanda Vélsmiðju Steindórs í brunastigann að upphæð kr. 19.278.578. Heildarkostnaðaráætlun fyrir verkið er kr. 35 milljónir og óskar umhverfis- og mannvirkjaráð eftir því við bæjarráð að áætlun fyrir verkefnið verði færð frá árinu 2023 til 2024.

Bæjarráð samþykkir að færa framkvæmd við brunastiga Ráðhúss frá árinu 2023 til ársins 2024 og felur sviðsstjóra fjársýslusviðs og umhverfis- og mannvirkjasviðs að vinna málið áfram.

Umhverfis- og mannvirkjaráð samþykkir að farið verði í viðhaldið og óskar eftir viðauka til bæjarráðs að upphæð kr. 42 milljónir.

Bæjarráð samþykkir að gerður verði viðauki að fjárhæð kr. 42 milljónir vegna málsins og felur sviðsstjóra fjársýslusviðs að vinna viðaukann.