Brekatún 4-12 - fyrirspurn um 12 sambyggða bílskúra

Erindi dagsett 18. maí 2017 þar sem Marías Benedikt Kristjánsson og Ingi Snorri Bjarkason leggja inn fyrirspurn hvort leyfi fengist fyrir byggingu 12 sambyggðra bílskúra norðan við Brekatún 4-12. Hugmyndin er að byggingin liggi samsíða fjölbýlishúsinu og hafi áþekkt útlit.

Erindi dagsett 25. september 2017 þar sem Marías Benedikt Kristjánsson og Ingi Snorri Bjarkason fyrir hönd húseigenda Brekatúns 4-14 sækja um breytingar á deiliskipulagi til að byggja 12 bíla bílskúrsbyggingu norðan lóðarinnar Brekatúns 4-14.

Á fundi skipulagsráðs 11. október 2017 var samþykkt að heimila gerð deiliskipulagsbreytingar til að byggja 12 bíla bílskúrsbyggingu norðan lóðarinnar Brekatún 4-14. Nú er lögð fram tillaga að breytingu sem felst í að lóð Brekatúns 4-14 stækkar til norðvesturs, afmarkaður er byggingarreitur fyrir 12 bílageymslur og lóðin Brekatún 2 minnkar um 28,5 m². Fram kemur að haft hafi verið samráð við húsfélag Brekatúns 2 vegna minnkunar lóðarinnar.

Liður 6 í fundargerð skipulagsráðs dagsettri 25. júlí 2018:

Á fundi skipulagsráðs 11. október 2017 var samþykkt að heimila gerð deiliskipulagsbreytingar til að byggja 12 bíla bílskúrsbyggingu norðan lóðarinnar Brekatún 4-14. Nú er lögð fram tillaga að breytingu sem felst í að lóð Brekatúns 4-14 stækkar til norðvesturs, afmarkaður er byggingarreitur fyrir 12 bílageymslur og lóðin Brekatún 2 minnkar um 28,5 m². Fram kemur að haft hafi verið samráð við húsfélag Brekatúns 2 vegna minnkunar lóðarinnar.


Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010 þegar skriflegt samþykki eigenda Brekatúns 2 liggur fyrir.


Ingibjörg Ólöf Isaksen tók til máls og kynnti tillögu skipulagsráðs.