Málefni dagforeldra

Erindi frá stjórn Dagvistunar sem lagt var fram á fundi 16. mars 2011. Þar eru gerðar nokkrar athugasemdir við fyrirkomulag og reglur á greiðslum til dagforeldra vegna niðurgreiðslu Akureyrarbæjar á vistun barna hjá dagforeldrum. M.a. er farið fram á að niðurgreiðslur renni beint til foreldra en ekki dagforeldra eins og nú er. Þá er einnig farið fram á að Akureyrarbær semji við dagforeldra um veikindadaga, þannig að þegar dagforeldri er veikt og getur ekki sinnt starfi sínu fái það niðurgreiðsluna frá bænum.
Sesselja Sigurðardóttir leikskólaráðgjafi á skóladeild sat fundinn undir þessum lið og gerði grein fyrir svörum við athugasemdum sem fram komu í erindinu.
Einnig voru lögð fyrir skólanefnd drög að vinnureglum vegna niðurgreiðslu á daggæslugjöldum.