Skólamötuneyti grunnskóla - rekstur og nýting 2010

Málsnúmer 2010080094

Vakta málsnúmer

Skólanefnd - 16. fundur - 30.08.2010

Fyrir fundinn var lagt uppgjör á rekstri skólamötuneyta grunnskólanna fyrir vormisseri 2010. Fram kemur í uppgjörinu að við upphaf nýs skólaárs er hallinn á skólamötuneytunum orðinn nokkur og er ekki hægt að sjá annað en halli verði um 6 milljónir við lok árs með sama áframhaldi. Hráefniskostnaður hefur hækkað nokkuð á árinu og hefur hann mest áhrif á heildarkostnaðinn. Nýting skólamötuneytanna er mikil eða um 80% að meðaltali. Þá voru einnig lagðir fram matseðlar skólanna fyrir ágúst og september 2010.

Skólanefnd felur fræðslustjóra að ræða við þá skólastjóra þar sem hráefnisverð er hærra en meðaltal skólanna segir til um. Þá hvetur skólanefnd skólastjórnendur og matráða til að bæta upplýsingar á mánaðarlegum matseðlum á þann veg að þar komi betur fram hvers konar hráefni er verið að nota í matinn. Skólanefnd vill vekja athygli á því að í framhaldi þeirrar umræðu sem var á fundinum verður fyrirkomulag mötuneytanna til frekari skoðunar hjá nefndinni.

Skólanefnd - 3. fundur - 07.02.2011

Fyrir fundinn var lagt uppgjör í rekstri skólamötuneytanna í grunnskólunum fyrir árið 2010. Þar kemur fram að halli var á rekstrinum á árinu, en mismikill eftir skólum.

Skólanefnd leggur áherslu á að skoðað verði hvort ekki sé hægt að lækka hráefniskostnað t.d. með betri stýringu á innkaupum.