Kjarasamninganefnd

2. fundur 06. apríl 2020 kl. 15:45 - 16:27 Fjarfundur
Nefndarmenn
  • Guðmundur Baldvin Guðmundsson formaður
  • Guðrún Karitas Garðarsdóttir varaformaður
  • Þórunn Sif Harðardóttir
Starfsmenn
  • Halla Margrét Tryggvadóttir sviðsstjóri stjórnsýslusviðs ritaði fundargerð
Fundargerð ritaði: Halla Margrét Tryggvadóttir sviðsstjóri stjórnsýslusviðs
Dagskrá

1.Fjarfundir - leiðbeiningar

Málsnúmer 2020030586Vakta málsnúmer

Leiðbeiningar Sambands íslenskra sveitarfélaga vegna fjarfunda lagðar fram til kynningar. Kristinn Jakob Reimarsson sviðsstjóri samfélagssviðs og Inga Þöll Þórgnýsdóttir bæjarlögmaður sátu fund kjarasamninganefndar undir þessum lið.

2.Samfélagssvið - skipulag sviðsins

Málsnúmer 2017010284Vakta málsnúmer

Umfjöllun um tillögur að breytingum á skipuriti samfélagssviðs.

Kristinn Jakob Reimarsson sviðsstjóri samfélagssviðs og Inga Þöll Þórgnýsdóttir bæjarlögmaður sátu fund kjarasamninganefndar undir þessum lið.
Kjarasamninganefnd leggur til við bæjarráð að greitt verði stjórnendaálag fyrir störf forstöðumanns íþróttamála, forstöðumanns sundlauga, forstöðumanns forvarna og forstöðumanns Akureyrarstofu samkvæmt reglum Akureyrarbæjar um stjórnendaálag forstöðumanna.

Kjarasamninganefnd leggur jafnframt til við bæjarráð að samþykkt verði að laun þeirra starfsmanna sem gegna störfum sem taka breytingum vegna breytinga á skipuriti samfélagssviðs lækki ekki á meðan unnið er að mati á störfum í starfsmati og gildi sú ákvörðun til 31. desember 2021. Samkvæmt verklagsreglum starfsmats ber að meta ný störf í starfsmati þegar sex mánaða reynsla er komin á störfin. Starfsmaður á rétt á því að óska eftir endurmati þegar niðurstaða liggur fyrir um mat á starfi. Kjarasamninganefnd leggur áherslu á að unnið verði að mati á ofangreindum störfum í samræmi við gildandi verklagsreglur um mat á nýjum störfum.

3.Sjúkraliðar í Kili, stéttarfélagi starfsmanna í almannaþjónustu

Málsnúmer 2016050041Vakta málsnúmer

Umfjöllun um ósamræmi í launakjörum sjúkraliða sem vinna sömu störf skv. mismunandi kjarasamningum. Lagt er til að samþykkt verði að jafna kjör núverandi starfsmanna sem eru félagsmenn í Kili við kjör félagsmanna í Sjúkraliðafélagi Íslands frá 1. janúar 2020 og gildi ákvörðunin til loka núgildandi kjarasamnings 31. mars 2023.
Kjarasamninganefnd samþykkir að leggja til við bæjarráð að jafna kjör núverandi félagsmanna í Kili við kjör félagsmanna í Sjúkraliðafélagi Íslands með gildistíma til 31. mars 2023.

Fundi slitið - kl. 16:27.