Framkvæmdaráð

Framkvæmdaráð tekur undir þær áhyggur sem Norðurorka hefur af sandi sem berst í fráveitukerfi bæjarins og þeim kostnaði sem af því hlýst. Það er rétt að götusópun fór seint af stað í ár og hlýst af því kostnaður fyrir Norðurorku, sem áður féll á fráveitu Akureyrarbæjar.
Framkvæmdaráð ætlar að taka til endurskoðunar fyrirkomulag sem hefur verið á götusópun seinustu ár með þeirri von að Akureyrarbær geti byrjað götusópun fyrr og með þeirri aðgerð nýtt fé allra betur.

Framkvæmdaráð samþykkir fyrirlagða og endurskoðaða framkvæmdaáætlun. Frá framkvæmdum færast m.a. 5 milljónir til uppbyggingar tjaldstæðis Bílaklúbbs Akureyrar. 30 milljónir færast einnig frá viðhaldi gatna yfir í liðinn snjómokstur og hálkuvarnir. Starfsmönnum falið að vinna að uppfærslu framkvæmdaáætlunar í samræmi við umræður á fundinum.

Framkvæmdaráð samþykkir samninginn við Bílaklúbb Akureyrar í samræmi við bókun um 5 milljónir til uppbyggingar tjaldstæðis Bílaklúbbs Akureyrar í lið 2 hér að framan og vísar honum til bæjarráðs.

Afgreiðslu frestað og framkvæmdaráð leggur til að gerð verði sérstök samþykkt fyrir stjórn Fasteigna Akureyrarbæjar.

Framkvæmdaráð þakkar kynninguna.