Framkvæmdaráð

Lagður fram 2. liður í fundargerð viðtalstíma bæjarfulltúa dags. 25 nóvember sl., sem bæjarráð vísaði á fundi sínum 2. desember sl., liðum a-e, til framkvæmdaráðs.

a) Viðkomandi lýsti yfir ánægju með Samþykkt um hundahald í Akureyrarkaupstað sem kynnt var í Vikudegi, þ.e. að fyrirhugað sé að banna eigi hunda á opnum hátíðarhöldum í bænum.

b) Viðkomandi lýsti yfir áhyggjum sínum vegna þess að það vantar lýsingu á milli Fossagils og Vörðugils. Langur stígur tengir þessar götur og þar verður ansi dimmt í mesta skammdeginu, það er mjög slæmt að ekki sé lýsing á þessum stíg því hann er mikið notaður og má segja að hann tengi saman tvo hluta hverfisins.

c) Viðkomandi lýsti einnig yfir furðu sinni á einkennilegri aðkomu frá Borgarbraut um Kiðagil fyrir gangandi vegfarendur að Giljaskóla, á þessum stað vantar "stubb" í gangstéttina, þ.e. engin gangstétt er frá Borgarbraut að skólanum. Hann lagði til að þetta verði skoðað vandlega ekki síst vegna þess að þetta er aðkoma að skóla.

d) Þá ljáði viðkomandi máls á því að í snjómokstri þeim sem fram hefur farið undanfarið hefur snjó verið sturtað á fótboltavöll sem staðsettur er við Merkigil á milli Fossagils og Vörðugils. Bagalegt að ekki sé hægt að nota völlinn löngu eftir að snjóa leysir vegna þess hve lengi skaflinn er að bráðna. Hann benti á að það mætti án vandkvæða losa snjóinn hinu megin við göngustíginn.

e) Þá lagði viðkomandi fram fyrirspurn um hvort hægt væri að koma upp hjólabretta- og hjólreiða"park" við Giljaskóla.

Lagður fram 1. liður í fundargerð viðtalstíma bæjarfulltúa dags. 2. desember sl. sem bæjarráð vísaði á fundi sínum 9. desember sl. til framkvæmdaráðs.
Kvartað var undan lausagöngu katta og vildi viðkomandi að bæjaryfirvöld tækju í taumana. Viðkomanda fannst með engum hætti að kettir ættu að ganga lausir. Í Naustahverfi hefur ekki skitið skógarþröstur sl. 2 ár, vegna kattafársins.

Lagður fram 2. liður í fundargerð viðtalstíma bæjarfulltúa dags. 2. desember sl. sem bæjarráð vísaði á fundi sínum 9. desember sl. til framkvæmdaráðs.
Viðkomandi hafði orð á því að töluvert væri við framkvæmd sorphreinsunar að athuga, enn væri svartir ruslapokar í tunnum. Á kynningarfundi var talað um að síðar yrði kynnt betur fyrir hans húsfélagi um framkvæmdina. Ekkert hefur enn orðið af því.

Lagður fram 3. liður í fundargerð viðtalstíma bæjarfulltúa dags. 2. desember sl. sem bæjarráð vísaði á fundi sínum 9. desember sl. til framkvæmdaráðs.
Viðkomandi kvartaði undan vinnubrögðum við sanddreifingu á gangstéttum á syðri-Brekku og í Innbæ. Eru vinnubrögð með eindæmum slæm, þannig að betra sé að sleppa sandburði heldur en að gera það eins illa eins og raunin er. Illa er sandað og það skapar slysahættu.