Félagsmálaráð

Ester Lára Magnúsdóttir verkefnisstjóri kynnti áfrýjun í fjárhagsaðstoð.

Jón Heiðar Daðason húsnæðisfulltrúi kynnti stöðuna á biðlista dagsettum 2. janúar 2015 eftir leiguhúsnæði Akureyrarbæjar um áramót.

Lagt var fram til kynningar yfirlit dagsett 2. janúar 2015 frá Jóni Heiðari Daðasyni húsnæðisfulltrúa um almennar og sérstakar húsaleigubætur - stöðu um áramót.

Jón Heiðar Daðason húsnæðisfulltrúi kynnti áfrýjun vegna forgangs á biðlista eftir leiguíbúð.

Lagt var fram bréf dagsett 11. nóvember 2014 frá starfsmönnum Öldrunarheimila Akureyrar vegna styttingar á vöktum á Hlíð árið 2008, sem hafa ekki verið lengdar aftur.

Lögð var fyrir samantekt og minnisblað dagsett 26. nóvember 2014 vegna ábendingar starfsmanna Öldrunarheimila Akureyrar.

Framkvæmdastjóri Öldrunarheimila Akureyrar, Halldór Sigurður Guðmundsson og framkvæmdastjóri búsetudeildar, Soffía Lárusdóttir, reifuðu nokkur atriði frá viðræðufundi með Háskólanum á Akureyri. Fjallað var um áform um samstarfssamning um klínískt nám, samskipti, endurmenntun og rannsóknir.

Soffía Lárusdóttir framkvæmdastjóri búsetudeildar og Karólína Gunnarsdóttir þjónustustjóri á fjölskyldudeild kynntu skýrslu með úttekt á þjónustu við fatlað fólk á þjónustusvæði Eyjafjarðar. Skýrslan er hluti af sameiginlegu mati ríkis og sveitarfélaga á faglegum árangri tilfærslunnar.

Soffía Lárusdóttir framkvæmdastjóri búsetudeildar lagði fram minnisblað dagsett 2. janúar 2015 og óskaði eftir heimild félagsmálaráðs til að ganga til viðræðna við stjórn Alþjóðasamtaka Gentle Teaching um að halda árið 2016 alþjóðlega ráðstefnu samtakanna á Akureyri.