Félagsmálaráð

Jón Heiðar Daðason kynnti áfrýjun vegna forgangs í leiguhúsnæði Akureyrarbæjar.

Guðrún Ólafía Sigurðardóttir framkvæmdastjóri fjölskyldudeildar, Soffía Lárusdóttir framkvæmdastjóri búsetudeildar og Halldór Sigurður Guðmundsson framkvæmdastjóri Öldrunarheimila Akureyrar gerðu grein fyrir vinnuferlinu við gerð fjárhagsáætlunar 2015 hjá þeim deildum/stofnunum sem undir félagsmálaráð heyra, svo og yfirlit yfir gjaldskrár 2015. Jafnframt voru lögð fram til kynningar sýnishorn af eyðublaði vegna starfsáætlunar 2015.

Halldór Sigurður Guðmundsson framkvæmdastjóri Öldrunarheimila Akureyrar og Friðný Sigurðardóttir þjónustustjóri Öldrunarheimila Akureyrar gerðu grein fyrir áformuðum breytingum á stjórnskipulagi og verkskipulagi við dagþjónustuna og sem einnig varðar þjónustu, starf iðjuþjálfa og félagsstarf í Hlíð.

Halldór Sigurður Guðmundsson framkvæmdastjóri Öldrunarheimila Akureyrar greindi frá endurskoðuðum samningi um þjónustu öldrunarlækna sem gildir frá 1. september 2014.
Lagt fram til kynningar.

Þingsályktun um framkvæmdaáætlun í málefnum fatlaðs fólks til ársins 2014, þingskjal 1496 - 440. mál, lögð fram til umræðu og kynningar. Jafnframt lagður fram tölvupóstur frá velferðarráðuneytinu dags 20. ágúst 2014 þar sem fram kemur að félags- og húsnæðisráðherra hefur ákveðið að framlengja áætlunina til ársins 2016.
Framkvæmdastjórar búsetudeildar og fjölskyldudeildar kynntu þau verkefni í framkvæmdaáætluninni sem eru á ábyrgðarsviði sveitarfélaga/þjónustusvæða og stöðu þeirra.

Lagt fram erindi frá Fasteignum Akureyrarbæjar þar sem óskað er eftir upplýsingum um þörf fyrir félagslegar íbúðabyggingar og endurbætur á þjónustuíbúðum á næstu fimm árum. Meðfylgjandi er skýrsla um félagslegar leiguíbúðir frá 2012 og reglur um leiguíbúðir Akureyrarbæjar.
Guðrún Ólafía Sigurðardóttir og Karólína Gunnardóttir frá fjölskyldudeild, Soffía Lárusdóttir og Anna Marit Níelsdóttir frá búsetudeild fóru yfir stöðu mála hvað varðar þörf fyrir félagslegt húsnæði og þjónustu tengda því.

Ráðstefna um hugmyndafræði "félagslegrar hugsunar" og aðferðir til að efla félagsfærni hjá börnum og fullorðnum sem glíma við erfiðleika í félagslegum samskiptum verður haldin 2. og 3. október nk. Fjölskyldudeild heldur ráðstefnuna ásamt Greiningarstöð ríkisins, Kópavogsbæ og Einhverfusamtökunum, en þessir aðilar hafa lengi staðið saman að ýmiskonar fræðslu sem tengist einhverfu.
Lagt fram til kynningar.