Félagsmálaráð

Félagsmálaráð heimsótti félags- og þjónustumiðstöð aldraðra í Víðilundi 22 og kynnti sér þá starfsemi sem þar fer fram.

Guðrún Sigurðardóttir framkvæmdastjóri fjölskyldudeildar og Kristín Sigursveinsdóttir framkvæmdastjóri búsetudeildar sátu fundinn undir þessum lið.
Rætt um fundarsköp og reglur ráðsins, ítrekaðar eru gildandi reglur um samþykkt um stjórn Akureyrarkaupstaðar og samþykkt fyrir félagsmálaráð.

Guðrún Sigurðardóttir framkvæmdastjóri fjölskyldudeildar sat fundinn undir þessum lið og lagði fram drög að rökstuðningi vegna synjunar á erindi um fjárhagsaðstoð.

Margrét Guðjónsdóttir framkvæmdastjóri HAK kynnti rekstraryfirlit fyrir heilsugæslustöðina. Reksturinn er í járnum, ekki má mikið út af bera.
Kristín Sigursveinsdóttir framkvæmdastjóri búsetudeildar kynnti rekstraryfirlit fyrir skrifstofu félagsmálaráðs og búsetudeildar sem er í góðu jafnvægi. Málefni fatlaðra eru aðeins yfir áætlun.
Guðrún Sigurðardóttir framkvæmdastjóri fjölskyldudeildar kynnti rekstraryfirlit fjölskyldudeildar sem er í lagi fyrir utan fjárhagsaðstoð sem er rúmlega 30% framúr eftir fyrstu þrjá mánuði ársins.
Heiðrún Björgvinsdóttir rekstrarstjóri ÖA kynnti rekstraryfirlit fyrir öldrunarheimilin. Tekjur eru lægri en gert var ráð fyrir í áætlun vegna skertra rýma og lækkun á daggjöldum. Reksturinn virðist vera í jafnvægi.

Anna Marit Níelsdóttir verkefnastjóri á búsetudeild og Ólafur Örn Torfason forstöðumaður búsetuþjónustu geðfatlaðra ræddu stöðu biðlista eftir búsetu með þjónustu fyrir fatlaða. Á virkum biðlista eru 21 einstaklingur, af þeim eru 7 sem þurfa á sérhönnuðu húsnæði að halda og gæti húsnæði líkt og íbúðasambýlið við Geislatún verið heppileg lausn. Brýnt er að fljótlega liggi fyrir áætlun um hvernig mál þeirra sem eru á biðlista verði leyst.
Kristín Sigursveinsdóttir, framkvæmdastjóri búsetudeildar sat fundinn undir þessum lið.

Ólafur Örn Torfason forstöðumaður búsetuþjónustu geðfatlaðra og Anna Marit Níelsdóttir verkefnastjóri á búsetudeild kynntu stöðuna í búsetuþjónustu geðfatlaðra. Fimm einstaklingar eru í mjög brýnni þörf fyrir sólarhringsþjónustu sem ekki er í boði í dag. Mat starfsmanna er að full þörf sé fyrir nýtt íbúðasambýli með sólarhringsvakt og góðri mönnun og að það þurfi að vinnast frekar hratt. Kanna má möguleikann á að nýta húsnæði sem bærinn á og færa til starfsemi til að mæta þessari þörf.
Kristín Sigursveinsdóttir framkvæmdastjóri búsetudeildar sat fundinn undir þessum lið.

Kristín Sigursveinsdóttir framkvæmdastjóri búsetudeildar ræddi um húsnæðismál skammtímavistunar. Nýtt húsnæði fyrir skammtímavistun er ekki á þriggja ára áætlun bæjarins 2012-2014. Mat Kristínar er að málið þoli ekki bið til ársins 2014 meðal annars vegna öryggissjónarmiða.

Kristín Sigursveinsdóttir framkvæmdastjóri búsetudeildar kynnti nýja jafnréttisáætlun deildarinnar.