Bæjarstjórn

Tekin fyrir beiðni Brynjólfs Ingvarssonar dagsett 12. október 2023 um að vera tímabundið leystur frá störfum sem bæjarfulltrúi og áheyrnarfulltrúi í bæjarráði til 15. apríl 2024.

Brynjólfur Ingvarsson tók til máls ásamt Sunnu Hlín Jóhannesdóttur og Heimi Erni Árnasyni.

Lögð fram tillaga Brynjólfs Ingvarssonar um tímabundna breytingu á skipan fulltrúa í bæjarráði. Jón Hjaltason verði áheyrnarfulltrúi í stað Brynjólfs Ingvarssonar til 15. apríl 2024.

Lögð fram tillaga Brynjólfs Ingvarssonar um tímabundna breytingu á skipan fulltrúa í bæjarráði. Halla Birgisdóttir Ottesen verði varaáheyrnarfulltrúi í stað Jóns Hjaltasonar til 15. apríl 2024.

Liður 1 í fundargerð bæjarráðs dagsettri 5. október 2023:

Lagður fram viðauki 6.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir viðauka 6 að fjárhæð 182,8 m.kr. með fjórum atkvæðum og vísar honum til staðfestingar í bæjarstjórn. Viðaukinn er til kominn vegna aukinnar fjárheimildar vegna NPA þjónustu og aukins viðhalds Fasteigna Akureyrarbæjar.

Hilda Jana Gísladóttir S-lista situr hjá.

Heimir Örn Árnason kynnti.

Til máls tók Hilda Jana Gísladóttir.

Liður 3 í fundargerð skipulagsráðs dagsettri 11. október 2023:

Kynningu á tillögu á vinnslustigi að breytingu á deiliskipulagu suðurhluta Oddeyrar vegna áforma um uppbyggingu á lóðum nr. 3-7 við Norðurgötu lauk þann 29. september sl.

Fjórar athugasemdir bárust auk umsagnar frá Norðurorku.

Skipulagsráð leggur til við bæjarstjórn að hún samþykki framlagða tillögu að deiliskipulagi og að tillagan verði auglýst skv. 41. gr. skipulagslaga nr. 123/2010.

Fyrir fundi bæjarstjórnar liggur einnig umsögn Minjastofnunar.

Hulda Elma Eysteinsdóttir kynnti.

Til máls tók Gunnar Már Gunnarsson.

Liður 6 í fundargerð bæjarráðs dagsettri 12. október 2023:

Lagður fram nýr sjötti kafli í umhverfis- og loftslagsstefnu Akureyrarbæjar. Umhverfis- og loftslagsstefnan var samþykkt í maí 2022 en bæjarstjórn fól síðan umhverfis- og mannvirkjasviði að bæta við kafla/áherslum um umgengni og þrifnað utanhúss.

Rut Jónsdóttir forstöðumaður umhverfis- og sorpmála og Pétur Ingi Haraldsson skipulagsfulltrúi sátu fund bæjarráðs undir þessum lið.

Bæjarráð samþykkir að bæta framlögðum kafla við umhverfis- og loftslagsstefnuna með þeim breytingum sem gerðar voru á fundinum og vísar málinu til umræðu og samþykktar í bæjarstjórn.

Andri Teitsson kynnti.

Til máls tóku Sunna Hlín Jóhannesdóttir og Jana Salóme Ingibjargar Jósepsdóttir.

Bæjarfulltrúi Sunna Hlín Jóhannesdóttir leggur fram fyrirspurn um stöðu vinnu við að auka stafrænt læsi barna og ungmenna. Eftirfarandi tillaga var lögð fram í bæjarstjórn þann 1. nóvember 2022 í bæjarstjórn og samþykkt: Bæjarstjórn telur mikilvægt að leggja sérstaka áherslu á stafrænt læsi barna og ungmenna í nýrri lýðheilsustefnu Akureyrarbæjar og í framhaldinu í aðgerðaáætlun forvarnastarfs sem tæki þá ekki aðeins á notkun og samskiptum á miðlunum heldur einnig markaðsstarfi þeirra.

Málshefjandi er Sunna Hlín Jóhannesdóttir.

Til máls tóku Heimir Örn Árnason og Hilda Jana Gísladóttir.

Rætt um símanotkun í grunnskólum Akureyrarbæjar.

Málshefjandi er Gunnar Már Gunnarsson B-lista og leggur fram svofellda tillögu ásamt Sunnu Hlín Jóhannesdóttur B-lista:

Fræðslu- og lýðheilsuráði er falið í samstarfi við ungmennaráð og fulltrúa skólasamfélagsins, skólastjórnenda, kennara og nemendaráð grunnskóla, að setja reglur um notkun síma í grunnskólum Akureyrarbæjar. Reglurnar munu taka gildi í síðasta lagi um næstu áramót og gilda þar til mennta- og barnamálaráðherra hefur lokið vinnu við mótun reglna um notkun síma í grunnskólum landsins.

Til máls tóku Hlynur Jóhannsson og Heimir Örn Árnason.

Heimir Örn Árnason D-lista og formaður fræðslu- og lýðsheilsuráðs leggur fram eftirfarandi tillögu fyrir hönd meirihlutans:

Skipaður verði starfshópur þegar niðurstöður úr könnunum fræðslu- og lýðsheilsusviðs liggja fyrir um símanotkun/reglur í grunnskólum. Hópurinn yrði samsettur af einum úr meirihluta fræðslu- og lýðheilsuráðs, einum úr minnihluta, einum náms- og starfsráðgjafa, einum skólastjórnanda, fulltrúa foreldra grunnskólabarna, fulltrúa ungmennaráðs, starfsmanni fræðslu- og lýðheilsusviðs og honum gert að rýna niðurstöðurnar og koma með tillögur um framhaldið.

Næst tóku til máls Hulda Elma Eysteinsdóttir, Sunna Hlín Jóhannesdóttir og Heimir Örn Árnason.

Lögð fram tillaga um breytingu á reglulegum fundum bæjarstjórnar í samræmi við 8. gr. samþykktar um stjórn og fundarsköp Akureyrarbæjar nr. 1674/2021. Fundur bæjarstjórnar 7. nóvember næstkomandi verði felldur niður en í staðinn verði haldinn fundur 31. október næstkomandi.

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.