Bæjarstjórn

Kosning kjörstjórnar - 3 aðalmenn og 3 til vara.

Tilnefningar þingfulltrúa hjá samtökum sveitarfélaga og í stjórnir:

a. Heilbrigðisnefnd Norðurlands eystra - 2 aðalmenn og 2 til vara.

b. Skólanefnd Menntaskólans á Akureyri - 1 aðalfulltrúi og 1 til vara.

c. Skólanefnd Verkmenntaskólans á Akureyri - 1 aðalfulltrúi og 1 til vara.

d. Stjórn SSNE - Samtaka sveitarfélaga og atvinnuþróunar á Norðurlandi eystra - 2 aðalfulltrúar og 2 til vara.

e. Svæðisskipulagsnefnd Eyjafjarðar - 1 aðalfulltrúi og 1 til vara.

Lögð fram tillaga B-lista um breytingu á skipan aðal- og varamanns í Stjórn Lífeyrissjóðs starfsmanna Akureyrarbæjar.

Snæbjörn Sigurðarson tekur sæti aðalmanns í stað Sverre Jakobssonar.

Gunnar Már Gunnarsson tekur sæti varamanns í stað Sunnu Hlínar Jóhannesdóttur.

Halla Björk Reynisdóttir kynnti málefnasamning L-lista, Sjálfstæðisflokks og Miðflokks um meirihlutasamstarf kjörtímabilið 2022-2026.


Í umræðum tóku til máls Hilda Jana Gísladóttir S-lista, Jana Salóme Ingibjargar Jósepsdóttir V-lista, Málfríður Stefanía Þórðardóttir F-lista, Sunna Hlín Jóhannesdóttir B-lista, Gunnar Már Gunnarsson B-lista, Hulda Elma Eysteinsdóttir L-lista, Halla Björk Reynisdóttir L-lista, Lára Halldóra Eiríksdóttir D-lista, Heimir Örn Árnason D-lista, Gunnar Líndal Sigurðsson L-lista og Hlynur Jóhannsson M-lista.

Liður 3. í fundargerð bæjarráðs dagsettri 16. júní 2022:

Ráðningarsamningur við Ásthildi Sturludóttur bæjarstjóra lagður fram til staðfestingar í samræmi við 2. mgr. 49. gr. Samþykktar um stjórn og fundarsköp Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Lögð fram eftirfarandi tillaga um sumarleyfi bæjarstjórnar Akureyrarbæjar 2022:


Í samræmi við 4. mgr. 8. gr. og 5. mgr. 33. gr. samþykktar um stjórn og fundarsköp Akureyrarbæjar samþykkir bæjarstjórn að frá og með 1. júlí til og með 31. ágúst 2022 verði sumarleyfi bæjarstjórnar. Ekki verða haldnir fundir í bæjarstjórn á framangreindu tímabili nema þörf krefji eða þriðjungur bæjarfulltrúa krefjist þess. Jafnframt er bæjarráði á þessum tíma heimiluð fullnaðarafgreiðsla þeirra mála sem það telur nauðsynlegt að fái afgreiðslu og lög mæla ekki gegn.

Lögð fram áætlun um fundi bæjarstjórnar árið 2022.

Liður 15 í fundargerð skipulagsráðs dagsettri 15. júní 2022:

Lögð fram fundargerð Svæðisskipulagsnefndar Eyjafjarðar 2018-2022 frá 3. maí 2022 ásamt uppfærðum starfsreglum sem samþykktar voru á umræddum fundi. Er lagt til að aðildarsveitarfélög samþykki nýjar starfsreglur við fyrsta tækifæri. Er um að ræða minniháttar breytingar frá reglum sem samþykktar voru í skipulagsráði 4. maí og bæjarstjórn 10. maí sl.

Skipulagsráð gerir ekki athugasemd við uppfærðar starfsreglur og leggur til við bæjarstjórn að þær verði samþykktar.

Rætt um nýsamþykkta umhverfis- og loftlagsstefnu Akureyrarbæjar og umgengni á lóðum í bæjarlandinu að ósk bæjarfulltrúa Framsóknarflokksins, Sunnu Hlínar Jóhannesdóttur.


Sunna Hlín Jóhannesdóttir tók til máls og óskaði eftir að leggja fram eftirfarandi bókun:

Umhverfis og mannvirkjasviði er falið að bæta sjötta kaflanum um umgengni og þrifnað utanhúss við umhverfis- og loftlagsstefnu Akureyrarbæjar og leggja hana svo að nýju fyrir bæjarstjórn. Í framhaldi af þeirri vinnu verði tekið á vandanum við gerð aðgerðaáætlunar stefnunnar.

Bókun frá umhverfis- og mannvirkjaráði frá 11. febrúar þar sem ráðið óskar eftir því að upplýsinga sé aflað um heimildir og ábyrgðarskiptingu milli umhverfis- og mannvirkjasviðs, þjónustu- og skipulagssviðs og heilbrigðiseftirlitsins verði tekin fyrir í nýju umhverfis- og mannvirkjaráði og nýju skipulagsráði og vinnan kláruð í framhaldinu eða sett í forgang í nýrri starfsáætlun.



Auk hennar tók til máls Gunnar Líndal Sigurðsson L-lista.


Forseti gerði fimm mínútna hlé á fundi.


Sunna Hlín Jóhannesdóttir tók aftur til máls eftir fundarhlé og lagði til eftirfarandi tillögu að sameiginlegri breyttri bókun:

Bæjarstjórn felur umhverfis- og mannvirkjasviði að bæta við kafla/áherslum um umgengni og þrifnað utanhúss í umhverfis- og loftlagsstefnu Akureyrarbæjar og leggja hana að nýju fyrir bæjarstjórn. Í framhaldi verði verkefninu komið fyrir í aðgerðaáætlun stefnunnar. Bæjarstjórn áréttar bókun frá umhverfis- og mannvirkjaráði frá 11. febrúar sl. þar sem ráðið óskaði eftir því að upplýsinga væri aflað um heimildir og ábyrgðarskiptingu milli umhverfis- og mannvirkjasviðs, þjónustu- og skipulagssviðs og heilbrigðiseftirlitsins og felur nýju umhverfis- og mannvirkjaráði sem og nýju skipulagsráði að fylgja málinu eftir.


Til máls tóku Hilda Jana Gísladóttir S-lista og Lára Halldóra Eiríksdóttir D-lista.