Bæjarráð

3436. fundur 06. nóvember 2014 kl. 09:00 - 12:15 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Sóley Björk Stefánsdóttir
  • Margrét Kristín Helgadóttir áheyrnarfulltrúi
  • Eiríkur Björn Björgvinsson bæjarstjóri
  • Heiða Karlsdóttir fundarritari
Fundargerð ritaði: Dagný Magnea Harðardóttir skrifstofustjóri Ráðhúss
Dagskrá

1.Fjárhagsáætlun Akureyrarbæjar 2015-2018

Málsnúmer 2014060172Vakta málsnúmer

4. liður í fundargerð bæjarstjórnar dagsett 4. nóvember 2014:
Bæjarstjórn samþykkir með 11 samhljóða atkvæðum að vísa fjárhagsáætlun Akureyrarbæjar 2015-2018 til frekari yfirferðar og umræðu í bæjarráði og bæjarstjórn.
Dan Jens Brynjarsson fjármálastjóri og Jón Bragi Gunnarsson hagsýslustjóri sátu fund bæjarráðs undir þessum lið.

Bæjarráð vísar frekari vinnu við fjárhagsáætlun til fagnefnda.

2.Eiðsvallagata 38-202 - kaup á íbúð

Málsnúmer 2014100334Vakta málsnúmer

2. liður í fundargerð stjórnar Fasteigna Akureyrarbæjar dagsett 31. október 2014:
Lagt fram kauptilboð dagsett 27. október 2014 í tveggja herbergja íbúð í Eiðsvallagötu 38-202.
Dan Jens Brynjarsson fjármálastjóri sat fund bæjarráðs undir þessum lið.

Bæjarráð samþykkir kauptilboðið.

3.Eyþing - fulltrúaráð

Málsnúmer 2013110069Vakta málsnúmer

Erindi dagsett 30. október 2014 frá framkvæmdastjóra Eyþings. Í erindinu er vísað í gr. 5.2 í lögum Eyþings en þar segir: Kosið skal í fulltrúaráð Eyþings. Í ráðinu sitja 20 fulltrúar kosnir af sveitarstjórnum til tveggja ára í senn. Kjörgengir í fulltrúaráð eru þeir sömu og kjörgengir eru á aðalfundi Eyþings. Aðalmenn í stjórn Eyþings eru sjálfkjörnir í fulltrúaráðið. Formaður stjórnar er jafnframt formaður fulltrúaráðs. Ráðið skiptir að öðru leyti með sér verkum.
Akureyrarbær á 5 fulltrúa í fulltrúaráðinu og þarf að skipa 3 fulltrúa nú auk varamanna til viðbótar þeim 2 sem eru sjálfkjörnir í fulltrúaráðið þar sem þeir eru stjórnarmenn í Eyþingi.

Bæjarráð skipar Ingibjörgu Ólöfu Isaksen, Matthías Rögnvaldsson og Sóleyju Björk Stefánsdóttur sem aðalfulltrúa og Guðmund Baldvin Guðmundsson, Silju Dögg Baldursdóttur, Sigríði Huld Jónsdóttur, Sigurjón Jóhannesson og Margréti Kristínu Helgadóttur sem varafulltrúa.

4.Félag tónlistarskólakennara - ályktanir vegna funda haust 2014

Málsnúmer 2014100089Vakta málsnúmer

4. liður í fundargerð skólanefndar dagsett 27. október 2014:
Lagðar voru fram til kynningar ályktanir og upplýsingar vegna yfirstandandi verkfalls Félags tónlistarskólakennara.
Skólanefnd Akureyrarbæjar leggur til að greiðsluseðlar vegna tónlistarnáms í Tónlistarskóla Akureyrar fyrir nóvember mánuð verði ekki sendir út, vegna yfirstandandi verkfalls tónlistarkennara.
Skólanefnd vísar málinu til bæjarráðs.

Bæjarráð telur ekki forsendur til að samþykkja tillögu skólanefndar á þessu stigi.

5.Ágóðahlutagreiðsla 2014 - Eignarhaldsfélag Brunabótafélags Íslands

Málsnúmer 2014100332Vakta málsnúmer

Lagt fram til kynningar erindi dags. 24. október 2014 frá Eignarhaldsfélaginu Brunabótafélag Íslands þar sem tilkynnt er um greiðslu ágóðahluta til aðildarsveitarfélaga. Greiðsla ágóðahlutar fyrir árið 2014 fer fram 21. nóvember 2014 og er hlutur Akureyrarbæjar kr. 5.661.000.

6.Viðtalstímar bæjarfulltrúa - fundargerð

Málsnúmer 2014100184Vakta málsnúmer

Lögð fram fundargerð viðtalstíma bæjarfulltrúa dags. 30. október 2014.

Bæjarráð vísar 1., 3. og 4.  lið til skipulagsdeildar, 2., 5., 6., 9. og  11. lið a)  til framkvæmdadeildar, 11. lið b) til fjölskyldudeildar og 12. lið til fjármálastjóra.

7., 8. og 10. liður eru lagðir fram til kynningar í bæjarráði.

7.Hverfisnefnd Oddeyrar - fundargerðir 2014

Málsnúmer 2014010011Vakta málsnúmer

Lagðar fram fundargerðir 52., 53., 54. og 55. fundar hverfisnefndar Oddeyrar dags. 29. apríl, 29. júlí, 30. september og 27. október 2014. Fundargerðirnar má finna á netslóðinni:
http://www.akureyri.is/is/stjornkerfid/hverfisnefndir/oddeyri/fundargerdir

Bæjarráð vísar 4. lið fundargerðar 52. fundar til framkvæmdadeildar, aðrir liðir fundargerðarinnar eru lagðir fram til kynningar.

Bæjarráð vísar 2. lið fundargerðar 53. fundar til skipulagsdeildar og framkvæmdadeildar, aðrir liðir fundargerðarinnar eru lagðir fram til kynningar í bæjarráði.

Fundargerðir 54. og 55. fundar lagðar fram til kynningar í bæjarráði.

 

8.Önnur mál

Málsnúmer 2014010044Vakta málsnúmer

Þórarinn Stefánsson mætti á fund bæjarráðs f.h. tónlistarskólakennara og kynnti afstöðu þeirra til samningaviðræðna Félags tónlistarskólakennara og samninganefndar Sambands íslenskra sveitarfélaga.
Dan Jens Brynjarsson fjármálastjóri og Jón Bragi Gunnarsson hagsýslustjóri sátu fundinn undir þessum lið.

 

Fundi slitið - kl. 12:15.