Bæjarráð

Margrét Guðjónsdóttir framkvæmdastjóri Heilsugæslustöðvarinnar á Akureyri, Þórgnýr Dýrfjörð framkvæmdastjóri Akureyrarstofu og Guðríður Friðriksdóttir framkvæmdastjóri Fasteigna Akureyrarbæjar mættu á fund bæjarráðs undir þessum lið og fóru yfir rekstrarstöðu sinna deilda eftir fyrstu mánuði ársins 2012.

Lögð fram fundargerð viðtalstíma bæjarfulltrúa dags. 15. mars 2012. Fundargerðin er 3 liðum.

Erindi dags. 1. mars 2012 frá 72 eigendum skemmtibáta í Sandgerðisbót þar sem óskað er eftir því að bæjarráð feli fulltrúum sínum í Hafnasamlagi Norðurlands og þeim sem málið varða að vinna að leiðréttingu og úrbótum vegna gjalda og aðstöðu í smábátahöfninni í Sandgerðisbót.

Ólafur Jónsson D-lista spurðist fyrir um afgreiðslu stjórnar EBÍ á erindi bæjarráðs Akureyrar um að kannaður verði möguleiki á að flytja starfsemi EBÍ til Akureyrar.
Bæjarstjóri mun fylgja erindinu eftir.