Bæjarráð

Gunnar Gíslason fræðslustjóri og Helgi Már Pálsson bæjartæknifræðingur sátu fundinn undir þessum lið og fóru yfir rekstrarstöðu sinna deilda eftir fyrstu mánuði ársins 2012.

Lagt fram til kynningar minnisblað dags. 2. febrúar 2012 frá Karli Guðmundssyni verkefnisstjóra, Dan Jens Brynjarssyni fjármálastjóra og Jóni Heiðari Daðasyni húsnæðisfulltrúa.
Karl og Jón Heiðar sátu fundinn undir þessum lið.

Erindi dags. 28. febrúar 2012 frá Guðmundi Sigvaldasyni f.h. stjórnar Gásakaupstaðar ses þar sem boðað er til aðalfundar miðvikudaginn 28. mars nk. kl. 15:00 í Zonta-salnum, Aðalstræti 54, Akureyri.

Lögð fram til kynningar 794. fundargerð stjórnar Sambands íslenskra sveitarfélaga dags. 24. febrúar 2012.

Lögð fram til kynningar fundargerð 227. fundar stjórnar Eyþings dags. 31. janúar 2012.

Lagt fram til kynningar erindi dags. 27. febrúar 2012 frá Lánasjóði sveitarfélaga ohf þar sem auglýst er eftir framboðum í stjórn Lánasjóðs sveitarfélaga. Framboðum skal skila í síðasta lagi á hádegi föstudaginn 16. mars nk.

Lagt fram til kynningar erindi dags. 24. febrúar 2012 frá Sambandi íslenskra sveitarfélaga þar sem boðað er til 26. landsþings sambandsins á Hótel Reykjavík Natura (Loftleiðir) í Reykjavík, föstudaginn 23. mars nk.

Tölvupóstur dags. 1. mars 2012 frá Ágústi Torfa Haukssyni forstjóra f.h. stjórnar Norðurorku hf, þar sem boðað er til aðalfundar föstudaginn 9. mars nk. kl. 16:00.

a) Rætt um málefni Leikfélags Akureyrar.

Þegar hér var komið vék Halla Björk Reynisdóttir L-lista af fundi kl. 11:05.

b) Guðmundur Baldvin Guðmundsson B-lista óskaði bókað:
Í ljósi árlegrar umræðu um kröfur Knattspyrnusambands Íslands vegna knattspyrnuleikvanga og um þann kostnað sem fellur að óbreyttu á sveitarfélög vegna þeirra krafna, vil ég hér með skora á bæjarstjóra að taka málið til umfjöllunar á vettvangi stjórnar Sambands íslenskra sveitarfélaga.