Bæjarráð

3269. fundur 07. apríl 2011 kl. 09:00 - 10:48 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Halla Björk Reynisdóttir
  • Guðmundur Baldvin Guðmundsson
  • Ólafur Jónsson
  • Hermann Jón Tómasson áheyrnarfulltrúi
  • Andrea Sigrún Hjálmsdóttir áheyrnarfulltrúi
Starfsmenn
  • Jón Bragi Gunnarsson hagsýslustjóri
  • Dan Jens Brynjarsson fjármálastjóri
  • Dagný Magnea Harðardóttir fundarritari
Dagskrá
Aðal- og varamaður A-lista boðuðu forföll.

1.Northern Forum 2011

Málsnúmer 2011030151Vakta málsnúmer

Fjallað um Northern Forum samtökin sem Akureyrarbær á aðild að. Engin árgjöld voru greidd fyrir árin 2009 og 2010 skv. sérstakri undanþágu sem samtökin veittu. Fjallað var um áframhaldandi aðild að samtökunum. Einnig kynnt greinargerð frá nóvember 2007 um vinabæjasamstarf og önnur erlend samskipti, unnin af starfshópi sem bæjarráð skipaði.
Sigríður Stefánsdóttir verkefnastjóri sat fundinn undir þessum lið.

Bæjarráð samþykkir að sækja um undanþágu frá greiðslu á árgjaldi samtakanna Northern Forum fyrir árið 2011.

Jafnframt skipar bæjarráð þau Höllu Björk Reynisdóttur, Geir Kristinn Aðalsteinsson, Ólaf Jónsson og Andreu Hjálmsdóttur í vinnuhóp til að skoða erlent samstarf.

2.Verkefnasjóður Háskólans á Akureyri

Málsnúmer 2008110044Vakta málsnúmer

Lögð fram til kynningar skýrsla dags. 25. mars 2011 frá stjórn Verkefnasjóðs Háskólans á Akureyri um úthlutanir styrkja úr sjóðnum árin 2007-2010.
Sigríður Stefánsdóttir verkefnastjóri sat fundinn undir þessum lið.

3.Súlur Björgunarsveit - samningur

Málsnúmer 2011030171Vakta málsnúmer

Lagður fram tölvupóstur dags. 24. mars sl. frá Magnúsi Viðari Arnarssyni formanni Súlna Björgunarsveit á Akureyri þar sem óskað er eftir viðræðum við Akureyrarbæ um samning við Súlur.

Bæjarráð felur bæjarstjóra að ræða við bréfritara.

4.Dráttarvextir

Málsnúmer 2011040017Vakta málsnúmer

Bæjarfulltrúi Halla Björk Reynisdóttir lagði fram fyrirspurn um greiðslu dráttarvaxta hjá Akureyrarbæ á árinu 2010.

Fjármálastjóri greindi frá því að greiddar voru tæpar 2,4 milljónir króna í dráttarvexti á árinu 2010.

5.Ársreikningur Akureyrarbæjar fyrir árið 2010

Málsnúmer 2010060060Vakta málsnúmer

8. liður í fundargerð bæjarstjórnar dags. 5. apríl 2011:
Fram kom tillaga um að vísa ársreikningnum til bæjarráðs og síðari umræðu í bæjarstjórn og var hún samþykkt með 11 samhljóða atkvæðum.

Bæjarráð vísar ársreikningi Akureyrarbæjar fyrir árið 2010 til síðari umræðu í bæjarstjórn.

Fundi slitið - kl. 10:48.