Bæjarráð

Þórgnýr Dýrfjörð framkvæmdastjóri Akureyrarstofu, Guðríður Friðriksdóttir framkvæmdastjóri Fasteigna Akureyrarbæjar og Helgi Már Pálsson bæjartæknifræðingur mættu á fund bæjarráðs og fóru yfir rekstrarstöðu sinna deilda.

Lagt fram til kynningar yfirlit um rekstur aðalsjóðs frá janúar til júlí 2011.

Lögð fram til kynningar áætlun um viðtalstíma bæjarfulltrúa frá október 2011 til maí 2012.
Áætlunin verður birt á heimasíðu Akureyrarbæjar, slóðin er http://www.akureyri.is/stjornkerfid/baejarstjorn/

Lögð fram til kynningar fundargerð almannaheillanefndar dags. 2. september 2011.

Lagður fram tölvupóstur dags. 18. ágúst 2011 frá Hólmgeiri Valdemarssyni þar sem hann óskar eftir að endurskoðuð verði gatnagerðargjöld vegna Sörlaskjóls 7 með tilliti til dýptar lóðar.

Lögð fram til kynningar kostnaðaráætlun vegna framkvæmda við gerð gervigrasvallar hjá KA, en bæjarráð óskaði á fundi sínum þann 7. júlí sl. eftir framkvæmda- og kostnaðaráætlun vegna verksins.

3. liður í fundargerð íþróttaráðs dags. 1. september 2011:
9. liður í fundargerð bæjarráðs dags. 7. júlí 2011:
Erindi dags. 22. júní 2011 frá Hrefnu G. Torfadóttur f.h. Knattspyrnufélags Akureyrar varðandi kalskemmdir á knattspyrnuvöllum félagsins. Óskað er eftir því að Akureyrarbær komi til móts við félagið vegna þessara auknu fjárútláta og leggi félaginu til sem nemur 950.000 krónum, sem er viðbótarkostnaður vegna þess mikla tjóns sem félagið hefur orðið fyrir.
Bæjarráð vísar ósk KA um styrk að upphæð kr. 950.000 vegna kalskemmda á knattspyrnuvöllum félagsins til umsagnar íþróttaráðs.
Íþróttaráð telur að þær veðurfarslegu aðstæður sem voru sl. vetur og vor hafi haft veruleg áhrif á þau íþróttafélög sem sjá um rekstur grassvæða í eigu Akureyrarbæjar. Ráðið telur það ljóst að án þeirra aðgerða sem gripið var til af hálfu félaganna hefði hefðbundin starfsemi þeirra raskast verulega með tilheyrandi óþægindum og tekjutapi.
Íþróttaráð leggur því mikla áherslu á, að vegna þessara óvæntu og óviðráðanlegu aðstæðna sem upp komu, að Akureyrarbær taki þátt í þeim kostnaði sem til féll vegna viðgerðanna.
Íþróttaráð óskar eftir því við bæjarráð að Knattspyrnufélagi Akureyrar verði veittur fjárhagslegur stuðningur vegna ofangreinds kostnaðar.

4. liður í fundargerð íþróttaráðs dags. 1. september 2011:
Erindi dags. 26. ágúst 2011 frá Halldóri M. Rafnssyni f.h. Golfklúbbs Akureyrar þar sem óskað er eftir fjárhagslegum stuðningi vegna mikilla kalskemmda á velli klúbbsins.
Íþróttaráð telur að þær veðurfarslegu aðstæður sem voru sl. vetur og vor hafi haft veruleg áhrif á þau íþróttafélög sem sjá um rekstur grassvæða í eigu Akureyrarbæjar. Ráðið telur það ljóst að án þeirra aðgerða sem gripið var til af hálfu félaganna hefði hefðbundin starfsemi þeirra raskast verulega með tilheyrandi óþægindum og tekjutapi.
Íþróttaráð leggur því mikla áherslu á, að vegna þessara óvæntu og óviðráðanlegu aðstæðna sem upp komu, að Akureyrarbær taki þátt í þeim kostnaði sem til féll vegna viðgerðanna.
Íþróttaráð óskar eftir því við bæjarráð að Golfklúbbi Akureyrar verði veittur fjárhagslegur stuðningur vegna ofangreinds kostnaðar.

Umræður um gildandi samning við Golfklúbb Akureyrar.

Unnið að gerð fjárhagsáætlunar.