Bæjarráð

Hlusta

3838. fundur 15. febrúar 2024 kl. 08:15 - 11:42 Fundarsalur á 1. hæð í Ráðhúsi

Nefndarmenn

Heimir Örn Árnason formaður
Halla Björk Reynisdóttir
Hlynur Jóhannsson
Sunna Hlín Jóhannesdóttir
Hilda Jana Gísladóttir
Jón Hjaltason áheyrnarfulltrúi
Jana Salóme I. Jósepsdóttir áheyrnarfulltrúi

Starfsmenn

Ásthildur Sturludóttir bæjarstjóri
Olga Margrét Kristínard. Cilia fundarritari

Fundargerð ritaði: Jón Þór Kristjánsson forstöðumaður þjónustu og þróunar

Dagskrá

Halla Björk Reynisdóttir L-lista sat fundinn í forföllum Huldu Elmu Eysteinsdóttur.

1.Trúnaðarmál

Málsnúmer 2024020581 Vakta málsnúmer

Afgreiðsla málsins er trúnaðarmál og er færð í trúnaðarmálabók bæjarráðs.

2.SSNE - starfsemi

Málsnúmer 2023020206 Vakta málsnúmer

Albertína Friðbjörg Elíasdóttir framkvæmdastjóri Samtaka sveitarfélaga og atvinnuþróunar á Norðurlandi eystra og Elva Gunnlaugsdóttir verkefnastjóri SSNE mættu til fundar og kynntu starfsemi og helstu áherslur SSNE.

Gunnar Már Gunnarsson bæjarfulltrúi sat fundinn undir þessum lið.

Lára Halldóra Eiríksdóttir og Hulda Elma Eysteinsdóttir bæjarfulltrúar sátu fundinn undir þessum lið í gegnum fjarfundarbúnað.

Bæjarráð þakkar fyrir kynninguna.

3.Iðnaðarsafnið á Akureyri

Málsnúmer 2023020025 Vakta málsnúmer

Erindi dagsett 12. febrúar 2024 þar sem stjórn Iðnaðarsafnsins óskar eftir því að Akureyrarbær veiti aukafjármagn til lokauppgjörs á rekstri safnsins. Bæjarráð samþykkti á fundi sínum 8. febrúar 2024 samkomulag um að Minjasafnið á Akureyri taki við rekstri Iðnaðarsafnsins næstu þrjú árin.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð samþykkir að veita allt að kr. 2.500.000 vegna lokauppgjörs á rekstri safnsins og felur sviðsstjóra fjársýslusviðs að vinna viðauka vegna málsins.

Fylgiskjöl:

Iðnaðarsafnið - erindi 12 februar 2024.pdf

4.Barnamenningarhátíð 2024

Málsnúmer 2024010431 Vakta málsnúmer

Lagðar fram til umfjöllunar og afgreiðslu tillögur fagráðs Barnamenningarhátíðar um styrkveitingar til verkefna hátíðarinnar.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagðar tillögur fagráðs um styrkveitingar til verkefna á Barnamenningarhátíð.

5.Starfslaun listamanna 2024

Málsnúmer 2024010440 Vakta málsnúmer

Lögð fram tillaga faghóps um val á bæjarlistamanni Akureyrar 2024.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagða tillögu um val á bæjarlistamanni Akureyrar 2024 en tilkynnt verður um valið á Vorkomu Akureyrarbæjar á sumardaginn fyrsta.

6.Viðurkenningar Húsverndarsjóðs og byggingarlistaverðlaun 2024

Málsnúmer 2024010439 Vakta málsnúmer

Lögð fram tillaga faghóps um byggingarlistaverðlaun Akureyrarbæjar 2024. Tilgangur með veitingu byggingarlistaverðlauna er að vekja athygli á góðri byggingarlist, auka þekkingu og skilning á gæðum bygginga og vera þannig hvati til góðra verka.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagða tillögu um byggingarlistaverðlaun Akureyrarbæjar 2024, en tilkynnt verður um viðurkenningarhafa á Vorkomu Akureyrarbæjar á sumardaginn fyrsta.