Bæjarráð

Liður 6 í fundargerð frístundaráðs dagsettri 19. febrúar 2020:

Mannréttindastefna Akureyrarbæjar lögð fram til samþykktar.

Frístundaráð samþykkir framlagða mannréttindastefnu og vísar henni til bæjarráðs og bæjarstjórnar til endanlegrar samþykktar.

Málið var á dagskrá bæjarráðs 27. febrúar sl. og var afgreiðslu þá frestað.

Kristinn J. Reimarsson sviðsstjóri samfélagssviðs, Bryndís Elfa Valdemarsdóttir starfandi deildarstjóri forvarna- og frístundadeildar og Halla Margrét Tryggvadóttir sviðsstjóri stjórnsýslusviðs mættu á fund bæjarráðs undir þessum lið.

Liður 3 í fundargerð öldungaráðs dagsettri 3. febrúar 2020:

Lagt er til að unnin verði sérstök aðgerðaáætlun í málefnum eldri borgara í samráði öldungaráðs og þeirra ráða og sviða/deilda sem koma að þjónustu við hópinn.

Öldungaráð leggur til við bæjarráð að skipaður verði vinnuhópur til að vinna aðgerðaáætlun um málefni eldri borgara. Markmiðið er að ná yfirsýn og upplýsingum á þjónustu ásamt því að gera stefnumótun til framtíðar.

Málið var áður á dagskrá bæjarráðs 13. febrúar sl. og var afgreiðslu þá frestað.

Kristinn J. Reimarsson sviðsstjóri samfélagssviðs sat fund bæjarráðs undir þessum lið.

Lagt fram til kynningar yfirlit um rekstur aðalsjóðs janúar til desember 2019.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lagður fram viðauki 2.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram tímaáætlun um rekstraryfirlit og ársuppgjör.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram tillaga um breytingu á skipan fulltrúa í fræðslunefnd.

Guðrún Guðmundsdóttir verði aðalfulltrúi í stað Karólínu Gunnarsdóttur. Anna Marit Níelsdóttir verði varafulltrúi í stað Guðrúnar Guðmundsdóttur.

Liður 2 í fundargerð kjarasamninganefndar dagsettri 19. febrúar 2020:

Unnið að endurskoðun á reglum um stjórnendaálag forstöðumanna hjá Akureyrarbæ.

Kjarasamninganefnd felur sviðsstjóra stjórnsýslusviðs að útbúa tillögur að breytingum á reglum um stjórnendaálag forstöðumanna í samræmi við umræður á fundinum og leggja fyrir bæjarráð til afgreiðslu.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lögð fram fundargerð viðtalstíma bæjarfulltrúa dagsett 27. febrúar 2020.

Lagðar fram til kynningar fundargerðir eftirtalinna funda stjórnar Samtaka sveitarfélaga og atvinnuþróunar á Norðurlandi eystra:

1. fundur - 3. desember 2019

2. fundur - 18. desember 2019

3. fundur - 27. desember 2019

4. fundur - 15. janúar 2020

5. fundur - 12. febrúar 2020

6. fundur - 21. febrúar 2020

Fundargerðirnar er að finna á eftirfarandi slóð: https://www.eything.is/is/fundargerdir-1/stjorn-ssne

Lagt fram til kynningar erindi dagsett 25. febrúar 2020 frá velferðarnefnd Alþingis þar sem óskað er umsagnar um frumvarp til laga um breytingu á lögum um heilbrigðisþjónustu, nr. 40/2007, og lögum um málefni aldraðra, nr. 125/1999, með síðari breytingum (réttur til einbýlis á öldrunarstofnunum), 323. mál 2020.

Þess er óskað að undirrituð umsögn berist eigi síðar en 10. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0366.html

Lagt fram til kynningar erindi dagsett 25. febrúar 2020 frá velferðarnefnd Alþingis þar sem óskað er umsagnar um tillögu til þingsályktunar um stöðu barna tíu árum eftir hrun, 191. mál 2020.

Þess er óskað að undirrituð umsögn berist eigi síðar en 17. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0195.html