Bæjarráð

Lagt fram til kynningar yfirlit um rekstur aðalsjóðs janúar til nóvember 2019.

Lögð fram tillaga sviðsstjóra fjársýslusviðs dagsett 6. janúar 2020 um afskriftir krafna. Kröfurnar eru frá árunum 2016 og fyrri árum. Jafnframt er um að ræða nýrri kröfur hjá gjaldþrota aðilum og einstaklingum sem fengið hafa greiðsluaðlögun. Samtals er um 461 kröfu að ræða að fjárhæð krónur 9.705.241.

Liður 1 í fundargerð velferðarráðs dagsettri 18. desember 2019:

Lögð er fram beiðni um viðauka við fjárhagsáætlun. Lagt er til að hækka fjárhagsáætlun Notendastýrðrar persónulegrar aðstoðar (NPA) um upphæð kr. 45,7 milljónir vegna ársins 2019.

Velferðarráð samþykkir fyrir sitt leyti beiðni um viðauka við fjárhagsáætlun og vísar málinu til bæjarráðs.

Lögð fram drög að erindisbréfi fyrir stjórn Hlíðarfjalls.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Rætt um starfsáætlun bæjarráðs 2020.

Erindi dagsett 20. desember 2019 frá Helga Pálssyni f.h. Terra Norðurlands þar sem beðið er um að ekki verði reiknuð gatnagerðargjöld á skýlisbyggingu á lóð fyrirtækisins við Hlíðarfjallsveg.

Liður 3 í fundargerð fræðsluráðs dagsettri 6. janúar 2020:

Formaður fræðsluráðs og forstöðumaður rekstrar gerðu grein fyrir tillögu að niðurgreiðslu á 8. tímanum hjá dagforeldrum.

Fræðsluráð samþykkir framlagða breytingu á gjaldskrá dagforeldra og vísar henni til bæjarráðs.

Lagt fram til kynningar bréf dagsett 30. desember 2019 frá atvinnuvega- og nýsköpunarráðuneytinu þar sem tilkynnt er um úthlutaðan byggðakvóta fiskveiðiársins 2019/2020, 158 þorskígildistonn vegna Hríseyjar og 103 þorskígildistonn vegna Grímseyjar. Í bréfinu kemur fram að vilji sveitarstjórn leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins eða einstakra byggðalaga skal hún skila rökstuddum tillögum sínum til ráðuneytisins eigi síðar en 27. janúar 2020.

Drög að mannréttindastefnu Akureyrarbæjar lögð fram til umsagnar að ósk frístundaráðs.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lagt fram erindi dagsett 20. desember 2019 þar sem Þórunn Sif Harðardóttir f.h. Vetraríþróttamiðstöðvar Íslands og Geir Kr. Aðalsteinsson f.h. Íþróttabandalags Akureyrar leggja til að Akureyrarbær móti sér stefnu um framtíð Vetraríþróttamiðstöðvar Íslands með Akureyri sem sinn heimabæ. Jafnframt hvetja bréfritarar til þess að Akureyrarbær hafi frumkvæði að því að endurvekja uppbyggingarsamning við mennta- og menningarmálaráðuneytið og styrkja með því vetraríþróttir á Akureyri og landinu öllu.

Erindi dagsett 18. desember 2019 frá Elínu Hirst f.h. Félags Sameinuðu þjóðanna á Íslandi, Grænvangs og Festu, miðstöðvar um samfélagsábyrgð, Sagafilm og RÚV þar sem beðið er um styrk til fjölmiðlaverkefnisins "Hvað GETUM við gert?" um loftslagsmál, grænar lausnir og nýsköpun á þessu sviði. Einnig er óskað eftir fundi til að ræða mögulega aðkomu að verkefninu.

Erindi móttekið 20. nóvember 2019 frá Örlygi Hnefli Örlygssyni f.h. starfshóps

Söngkeppni framhaldsskólanna 2020 þar sem óskað er eftir samstarfi við Akureyrarbæ vegna framkvæmdar keppninnar og dansleiks. Óskað er eftir afnotum af Íþróttahöllinni á Akureyri sem styrk við framkvæmd keppninnar, frá lokun hallarinnar þann 15. apríl og til loka dags 19. apríl, en keppnin fer fram að kvöldi 18. apríl.

Lögð fram til kynningar fundargerð 877. fundar stjórnar Sambands íslenskra sveitarfélaga dagsett 13. desember 2019.

Fundargerðina má finna á eftirfarandi vefslóð: http://www.samband.is/um-okkur/fundargerdir-stjornar/searchmeetings.aspx