- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
Bæjarráð
Dagskrá
1.Innflytjendur í námi: Ný áskorun. Viðhorf foreldra og kennara til náms og kennslu
Málsnúmer 2017050010Vakta málsnúmer
Stéphanie Barillé, Hermína Gunnþórsdóttir og Markus Meckl hafa unnið að rannsókn á viðhorfum foreldra og kennara til náms og kennslu innflytjenda í skólum Akureyrar. Hermína Gunnþórsdóttir einn rannsakenda kynnti helstu niðurstöður rannsóknarinnar.
Bæjarráð þakkar Hermínu fyrir kynninguna.
2.Fjárhagsáætlun Akureyrarbæjar 2018 - starfsáætlanir
Málsnúmer 2017040095Vakta málsnúmer
Lögð fram til kynningar drög að starfsáætlunum fjársýslusviðs, búsetusviðs og fjölskyldusviðs.
3.Leiguíbúðir Akureyrarbæjar - leiguverð
Málsnúmer 2012110070Vakta málsnúmer
Tekið fyrir að nýju, á fundi sínum þann 22. júní sl. fól bæjarráð fjölskyldusviði að leggja fram gögn á næsta fundi í samræmi við umræður á fundinum.
Jón Heiðar Daðason húsnæðisfulltrúi mætti á fund bæjarráðs og fór yfir gögnin.
Jón Heiðar Daðason húsnæðisfulltrúi mætti á fund bæjarráðs og fór yfir gögnin.
Bæjarráð vísar málinu til afgreiðslu velferðarráðs.
Matthías Rögnvaldsson L-lista og Eiríkur Björn Björgvinsson bæjarstjóri véku af fundi kl. 09:50.
4.Stytting vinnuviku
Málsnúmer 2016060105Vakta málsnúmer
Á fundi bæjarráðs þann 22. desember 2016 fól bæjarráð starfsmannastjóra og mannauðsráðgjafa að taka saman upplýsingar um sambærileg verkefni í öðrum sveitarfélögum og ráðuneytum hér á landi sem og í nágrannalöndum og leggja jafnframt fram tillögur um hugsanleg tilraunaverkefni.
Halla Margrét Tryggvadóttir sviðsstjóri stjórnsýslusviðs og Birna Eyjólfsdóttir mannauðsfulltrúi sátu fund bæjarráðs undir þessum lið.
Halla Margrét Tryggvadóttir sviðsstjóri stjórnsýslusviðs og Birna Eyjólfsdóttir mannauðsfulltrúi sátu fund bæjarráðs undir þessum lið.
Bæjarráð þakkar Höllu Margréti og Birnu fyrir yfirferðina og felur þeim að fylgjast náið með þróun mála í þeim tilraunaverkefnum sem í gangi eru hjá Reykjavíkurborg og ríkinu og fjallað er um meðfylgjandi greinargerð.
5.Stjórnsýslusvið - starfsáætlun 2018
Málsnúmer 2017060110Vakta málsnúmer
Unnið að gerð starfsáætlunar fyrir stjórnsýslusvið.
Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.
Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.
6.Slysavarnafélagið Landsbjörg - leiga á íþróttahöll vegna landsþings 2017
Málsnúmer 2017040060Vakta málsnúmer
Lagt fram til kynningar bréf dagsett 16. júní 2017 frá Slysavarnafélaginu Landsbjörgu þar sem Akureyrarbæ er þökkuð velvild í garð félagsins vegna landsþings sem haldið var í Íþróttahöllinni á Akureyri dagana 19. og 20. maí sl.
7.Akureyrarflugvöllur - flughlað
Málsnúmer 2016050280Vakta málsnúmer
Rætt um stöðu framkvæmda við flughlaðið á Akureyrarflugvelli.
Bæjarráð Akureyrar skorar á fjármálaráðherra og ríkisstjórn að úthluta fjármagni í fjárlögum til þess að klára flughlaðið við Akureyrarflugvöll. Eins og fram hefur komið er stækkun flughlaðsins mikið öryggismál vegna vaxandi flugumferðar til og frá Íslandi, en öryggisnefnd Félags íslenskra atvinnuflugmanna (FÍA) hefur í þessu sambandi bent á mikilvægi Akureyrarflugvallar og Egilsstaðaflugvallar sem varaflugvalla. Þá er flughlaðið grundvöllur vaxandi flugstarfsemi á Akureyrarflugvelli sem mun styrkja og efla atvinnulíf og byggð á Norðurlandi öllu.
8.Reykjavíkurflugvöllur - framtíðarstaðsetning
Málsnúmer 2007110127Vakta málsnúmer
Rætt um staðsetningu Reykjavíkurflugvallar, neyðarbraut og nýja flugstöð.
Bæjarráð Akureyrar fagnar framkomnum hugmyndum samgönguráðherra um byggingu nýrrar flugstöðvar við Reykjavíkurflugvöll. Núverandi flugstöð er úr sér gengin og á engan hátt boðleg sem slík. Það er mikilvægt að geta boðið flugfarþegum og starfsfólki góða aðstöðu, ekki síst í ljósi hugmynda um eflingu innanlands flugsins. Þá er einnig ljóst að Reykjavíkurflugvöllur fer ekkert næstu árin eða áratugina, enda ekki enn fundin jafngóð eða betri lausn.
Jafnfram þessu vill bæjarráð ítreka bókun sína frá 5. janúar s.l. í ljósi úrskurðar Samgöngustofu um lokun Neyðarbrautarinnar, en þar segir:
Í höfuðborg Íslands er eina hátæknisjúkrahús landsins. Það er því lífsnauðsynlegt að þangað sé ávallt greið leið með sjúklinga hvort sem er af höfðuborgarsvæðinu eða landsbyggðunum. Lokun Neyðarbrautarinnar svokölluðu á Reykjavíkurflugvelli hefur á undangengnum vikum leitt til þess að sjúkraflugvélar hafa ekki getað lent í Reykjavík né annars staðar á Suðvestur horninu með alvarlega veika einstaklinga, sem hafa þurft á bráðnauðsynlegri umönnun að halda á þessu eina hátæknisjúkrahúsi okkar landsmanna. Það er því ófrávíkjanleg krafa bæjarráðs Akureyrarkaupstaðar að Neyðarbraut Reykjavíkurflugvallar verði opnuð aftur þar til önnur og jafngóð lausn finnst. Bæjarráð skorar á borgarstjórn Reykjavíkurborgar, innanríkisráðherra og Alþingi að stuðla að því að svo geti orðið.
Jafnfram þessu vill bæjarráð ítreka bókun sína frá 5. janúar s.l. í ljósi úrskurðar Samgöngustofu um lokun Neyðarbrautarinnar, en þar segir:
Í höfuðborg Íslands er eina hátæknisjúkrahús landsins. Það er því lífsnauðsynlegt að þangað sé ávallt greið leið með sjúklinga hvort sem er af höfðuborgarsvæðinu eða landsbyggðunum. Lokun Neyðarbrautarinnar svokölluðu á Reykjavíkurflugvelli hefur á undangengnum vikum leitt til þess að sjúkraflugvélar hafa ekki getað lent í Reykjavík né annars staðar á Suðvestur horninu með alvarlega veika einstaklinga, sem hafa þurft á bráðnauðsynlegri umönnun að halda á þessu eina hátæknisjúkrahúsi okkar landsmanna. Það er því ófrávíkjanleg krafa bæjarráðs Akureyrarkaupstaðar að Neyðarbraut Reykjavíkurflugvallar verði opnuð aftur þar til önnur og jafngóð lausn finnst. Bæjarráð skorar á borgarstjórn Reykjavíkurborgar, innanríkisráðherra og Alþingi að stuðla að því að svo geti orðið.
Fundi slitið - kl. 12:30.
