Afgreiðslufundur skipulagsstjóra

Erindi dagsett 12. mars 2012 þar sem Bjarni Reykjalín f.h. Gámaþjónustu Norðurlands ehf., kt. 481287-1039, leggur fram fyrirspurn um hvort leyfi fáist fyrir skrifstofu- og starfsmannahúsi úr gámaeiningum á lóð félagsins við Hlíðarfjallsveg lnr. 215098. Meðfylgjandi eru teikningar eftir Bjarna Reykjalín.

Erindi dagsett 13. mars 2012 þar sem Rúnar Þór Björnsson f.h. Siglingaklúbbsins Nökkva kt. 450979-0319, óskar eftir leyfi fyrir þremur auglýsingaskiltum á svæði félagsins við Drottningarbraut. Meðfylgjandi er ljósmynd og nánari skýringar.

Erindi dagsett 21. september 2011 þar sem Rögnvaldur Harðarsson óskar eftir stöðuleyfi til að byggja sumarhús til flutnings á lóð nr. 1a við Óseyri. Meðfylgjandi er afstöðumynd og teikning af húsinu. Innkomið samþykki lóðarhafa 15. mars 2012.

Erindi dagsett 14. febrúar 2012 þar sem Gísli Kristinsson f.h. Úrbótamanna ehf., kt. 410683-0599, sækir um byggingarleyfi fyrir nýbyggingu á lóð nr. 1 við Götu norðurljósanna. Meðfylgjandi eru teikningar eftir Gísla Kristinsson. Innkomnar nýjar teikningar 19. mars 2012.

Erindi dagsett 13. mars 2012 þar sem Haraldur Árnason f.h. Sigurðar Jónasar Baldurssonar og Guðrúnar Valdísar Eyvindsdóttur eigenda að Grenilundi 27 og Einars E. Sigurðssonar eiganda að Grenilundi 25, sækir um leyfi fyrir stækkun á timburverönd, breytingum á stéttum og tröppum, uppsetningu á gróðurhúsi og geymsluloft sett í bílgeymslur. Meðfylgjandi eru teikningar eftir Harald Árnason og samþykki nágranna.

Erindi dagsett 28. febrúar 2012 þar sem Haraldur Árnason f.h. Stefáns Austfjörð Gunnarssonar og Guðrúnar Óskar Sigurvinsdóttur sækir um leyfi fyrir geymslulofti og glugga í risi yfir íbúð þeirra að Skútagili 5. Meðfylgjandi eru teikningar og gátlisti, einnig skriflegt leyfi íbúa hússins. Innkomnar nýjar teikningar 21. mars 2012.

Erindi dagsett 15. mars 2012 þar sem Þröstur Sigurðsson f.h. Miðpunkts ehf., kt. 570293-2819, sækir um leyfi fyrir stækkun við norðurhlið Norðlenska fyrir bakkaþvottavél og móttöku. Meðfylgjandi eru teikningar eftir Þröst Sigurðsson.

Erindi dagsett 13. mars 2012 þar sem Fanney Hauksdóttir f.h. Þingvangs ehf., kt. 671106-0750, sækir um breytingar á áður samþykktum teikningum af hótelinu að Þingvallastræti 23. Meðfylgjandi eru teikningar og gátlisti eftir Fanneyju Hauksdóttur.