Afgreiðslufundur byggingarfulltrúa

Erindi dagsett 27. desember 2017 þar sem Haraldur Árnason fyrir hönd Hrauna ehf. sækir um byggingarleyfi fyrir einbýlishúsi á lóð nr. 10 við Margrétarhaga. Meðfylgjandi er gátlisti og teikningar eftir Harald Árnason. Innkomnar nýjar teikningar 15. febrúar 2018.

Erindi dagsett 5. janúar 2018 þar sem Gunnlaugur Jónasson fyrir hönd Hótels Akureyrar ehf. sækir um að leyfi til að setja glugga á vesturhlið, neyðarútganga á norðurhlið og gera breytingar og útbúa 16 eininga gistiheimili í húsi nr. 73 við Hafnarstræti.

Innkomnar nýjar teikningar 8. febrúar 2018 þar sem gert er ráð fyrir undanþágu frá kröfu um lyftu í húsið.

Erindi dagsett 5. febrúar 2018 þar sem Valþór Brynjarsson fyrir hönd Gleypis ehf. sækir um byggingarleyfi fyrir breytingum á innra skipulagi í húsi nr. 19 við Gránufélagsgötu. M.a. á að færa snyrtingar í viðbyggingu þar sem áður var stigi. Meðfylgjandi eru teikningar eftir Valþór Brynjarsson. Innkomnar nýjar teikningar 8. febrúar 2018 og samþykki eldvarnareftirlits.

Erindi dagsett 2. janúar 2018 þar sem Ingólfur Guðmundsson fyrir hönd Ólafs Stefánssonar sækir um leyfi til að setja útihurð á austurhlið neðri hæðar húss nr. 20 við Kringlumýri ásamt tröppum. Meðfylgjandi er teikning eftir Valþór Brynjarsson. Innkomnar nýjar teikningar 14. febrúar 2018.

Erindi dagsett 26. ágúst 2016 þar sem Jóhann Freyr Jónsson sækir um leyfi til að flytja sumarhús, sem byggt var á Vatnsenda í Ólafsfirði, að Hrappsstöðum og gera á því lagfæringar samkvæmt meðfylgjandi teikningum eftir Loga Má Einarsson. Innkomnar nýjar teikningar 14. febrúar 2018.

Erindi dagsett 15. febrúar 2018 þar sem Bjarki Viðar Garðarsson fyrir hönd Norðausturs ehf. sækir um sex mánaða frest á framkvæmdum á lóð nr. 1 við Margrétarhaga.