Akureyrarbær á afmæli

Menningarhúsið Hof ljósum prýtt. Ljósmynd: Tjörvi Jónsson.

Akureyrarbær á afmæli í dag, 29. ágúst, og eru liðin 159 ár frá því bærinn hlaut kaupstaðarréttindi.

Hefð er fyrir því að fagna afmælinu með Akureyrarvöku en vegna Covid-19 var henni aflýst líkt og í fyrra. Nokkrir viðburðir eru þó á dagskrá um helgina og hefur myndlist og tónlist skipað háan sess, auk þess sem heillandi ljósaverk á nokkrum byggingum setja skemmtilegan svip á bæinn.

Auk afmælis sveitarfélagsins fagnar Menningarhúsið Hof 10+1 árs afmæli, en stórafmælinu var frestað í fyrra.

Allir afmælisviðburðir lúta samkomutakmörkunum og rúmast innan sóttvarnareglna.

Hér má skoða dagskrá helgarinnar.

Til hamingju með afmælið, allir íbúar, gestir og velunnarar Akureyrarbæjar nær og fjær.