Markaðskönnun fyrir nýja heimasíðu Akureyrarbæjar

Skjáskot af heimasíðu Akureyrarbæjar eins og hún lítur út núna.

Akureyrarbær býður áhugasömum að taka þátt í markaðskönnun vegna hönnunar og smíði nýrrar vefsíðu sveitarfélagsins akureyri.is.

Markmiðið er að gera nútímalegan og góðan vef sem er aðgengilegur í öllum tækjum.

Auglýst er eftir samstarfsaðilum sem hafa:

• Reynslu af því að smíða opinberan vef, t.a.m. fyrir sveitarfélag
• Sterkt hönnunarteymi innanborðs
• Smíðað vef sem skarar fram úr og hefur vakið athygli á síðustu þremur árum
• Reynslu af því að gera hönnunarkerfi fyrir vefi
• Reynslu af framleiðslu vefja í opnum vefumsjónarkerfum (e. open-source)

Óskað er eftir því að fyrirtæki sendi yfirlýsingu um áhuga á verkefninu með rökstuðningi um hæfni út frá ofantöldum skilyrðum, að hámarki ein A4 blaðsíða.

Yfirlýsinguna skal senda á Jón Þór Kristjánsson forstöðumann þjónustu og þróunar í netfangið jon.thor@akureyri.is í síðasta lagi 12. febrúar 2024.

Bent er á að fyrirtæki sem sérhæfa sig annars vegar í forritun og hins vegar í hönnun geta parað sig saman og lýst yfir áhuga á að vinna verkefnið sameiginlega.

Allt að fimm mögulegum samstarfsaðilum verður boðið að kynna sig nánar og þá nálgun sem þeir sjá fyrir sér ásamt því að senda inn tilboð í verkið.