Krakkarnir í Glerárskóla hafa verið duglegir að lesa enda fá þeir góða hvatningu. Myndir: Þorsteinn G. Gunnarsson.
Nemendur á yngsta- og miðstigi Glerárskóla hafa varla litið upp úr bókunum síðustu daga. Efnt var til sérstaks lestrarátaks meðal krakkanna sem sannarlega sló í gegn. Átakið varði í 13 kennsludaga og heimalestur var talinn með. Alls lásu nemendurnir í samtals 1.506 klukkustundir og meðallestur nemanda var 6,73 klukkustundir.
Formið var einfalt. Krakkarnir söfnuðu lestrarmínútum og merktu inn á klukkur sem skilað var á bókasafn skólans. Heilmikil keppni varð meðal bekkja en daglega var tölfræði sem sýndi stöðuna hengd upp á áberandi stað í skólanum. Bekkirnir skiptust á að leiða keppnina en krakkarnir í sjöunda bekk áttu mjög sterkan endasprett og lásu mest allra. Heildarlestur þeirra var 427 klukkustundir sem gerir 12,20 klukkustundir á nemanda að meðaltali.
Næstmesti meðallestur nemanda var í þriðja bekk en þar var meðallesturinn 8,71 klukkustund og 8,20 klukkustundir hjá sjötta bekk.
Fjórði bekkur var öðru sæti hvað varðar heildarlestur bekkja, en nemendurnir lásu í samtal 303 klukkustundir. Fimmti bekkur var í þriðja sæti en þar var lesið í 249 klukkustundir.
Óvenju mikið var að gera á bókasafni skólans meðan á átakinu stóð og mun minna var tekið af uppflettiritum, mynda- og fræðslubókum en alla jafna. Þeim mun meira var lánað út af bókmenntum við hæfi nemendanna.
Í verðlaun fyrir frábæra ástundun fá krakkarnir í sjöunda bekk frjálsan tíma í íþróttasal skólans með umsjónarkennurunum sínum.
Að neðan eru myndir af þeim bekkjum sem höfnuðu í verðlaunasætum og tölfræði yfir lesturinn milli bekkja, bæði heildarlestur og hlutfallstölur.
![](/static/files/_blob/eqxmq1t5klfxk07mnxc38.jpg)
7. bekkur.
![](/static/files/_blob/wpyagxpgrw884c5bwc0jj.jpg)
3. bekkur.
![](/static/files/_blob/a5lpstlz0urvnhvy3v3xfm.jpg)
6. bekkur.
![](/static/files/_blob/ga0sa5llw4fd5o1jpxl38u.jpg)
4. bekkur.
![](/static/files/_blob/fly5v3nmruvz8j4fqibov.jpg)
5. bekkur.
![](/static/files/_blob/xpcsoimy4snq6oiiy592t.jpg)
5. bekkur.
![](/static/files/_blob/wh8vquviz3jclmwp4e4v.jpg)
![](/static/files/_blob/rvx3w75xjecfjpp4l8i9b.jpg)