- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
Umhverfis- og mannvirkjaráð
Dagskrá
Sóley Björk Stefánsdóttir V-lista mætti í forföllum Hermanns Inga Arasonar áheyrnarfulltrúa.
1.Steinefni fyrir malbik - útboð 2018
Málsnúmer 2018040274Vakta málsnúmer
Lögð fram gögn dagsett 24. apríl 2018 vegna opnunar tilboða í útboði á steinefnum fyrir malbik fyrir árin 2018-2020.
Jónas Vigfússon forstöðumaður Umhverfismiðstöðvar sat fundinn undir þessum lið.
Jónas Vigfússon forstöðumaður Umhverfismiðstöðvar sat fundinn undir þessum lið.
Umhverfis- og mannvirkjaráð samþykkir að gengið verði til samninga við lægstbjóðanda GV Gröfur ehf.
2.Slökkvilið Akureyrar - beiðni um launað námsleyfi fyrir starfsmenn
Málsnúmer 2018040280Vakta málsnúmer
Lögð fram beiðni frá slökkviliðsstjóra dagsett 25. apríl 2018 um að fjórum starfsmönnum slökkviliðsins verði veitt launað námsleyfi til menntunar í bráðatækni.
Ólafur Stefánsson slökkviliðsstjóri sat fundinn undir þessum lið.
Ólafur Stefánsson slökkviliðsstjóri sat fundinn undir þessum lið.
Umhverfis- og mannvirkjaráð tekur jákvætt í erindið og vísar því til kjarasamninganefndar.
3.Samningur um millistofnanaflutninga við Sjúkrahúsið á Akureyri
Málsnúmer 2018040281Vakta málsnúmer
Rætt um stöðu mála vegna samninga við SAk um millistofnanaflutninga.
Ólafur Stefánsson slökkviliðsstjóri sat fundinn undir þessum lið.
Ólafur Stefánsson slökkviliðsstjóri sat fundinn undir þessum lið.
Umhverfis- og mannvirkjaráð samþykkir að frá og með 1. maí 2018 verði rukkað fyrir millistofnanaflutninga samkvæmt gjaldskrá Slökkviliðs Akureyrar.
4.Umhverfis- og mannvirkjasvið - stjórnsýslubreytingar
Málsnúmer 2018040126Vakta málsnúmer
Tekin fyrir að nýju kynning á stöðumati vegna stjórnsýslubreytinganna sem tóku gildi 1. janúar 2017, dagsett 15. mars 2018. Stöðumatið var unnið af RR Ráðgjöf ehf.
5.Umhverfis- og mannvirkjasvið - merki sviðsins
Málsnúmer 2018040273Vakta málsnúmer
Rætt um merki umhverfis- og mannvirkjasviðs sem er liður í samræmingu á útliti innan sviðsins.
Umhverfis- og mannvirkjaráð samþykkir merki umhverfis- og mannvirkjasviðs.
6.Umhverfis- og mannvirkjasvið - beiðni um kaup á þjónustubifreið
Málsnúmer 2018040284Vakta málsnúmer
Lagt fram minnisblað dagsett 25. apríl 2018 vegna beiðni um að kaupa nýja þjónustubifreið til afnota fyrir byggingastjóra viðhalds að upphæð 3.500.000 kr.
Umhverfis- og mannvirkjaráð samþykkir kaupin á bifreiðinni.
7.Stöðuskýrslur rekstrar 2017
Málsnúmer 2017020164Vakta málsnúmer
Lögð fram stöðuskýrsla fyrir fjárfestingar umhverfis- og mannvirkjasviðs 2017 dagsett 25. apríl 2018.
8.Íþróttamannvirki - endurnýjun skor- og tímaklukkna
Málsnúmer 2018040263Vakta málsnúmer
Lögð fram beiðni frá frístundaráði um endurnýjun skor- og tímaklukkubúnaðar í Íþróttahöllinni að upphæð kr. 5.000.000, íþróttahúsi Síðuskóla að upphæð kr. 5.000.000 og íþróttahúsi Lundarskóla/KA heimilinu að upphæð kr. 5.000.000. Alls er óskað eftir 15 milljónum króna.
Umhverfis- og mannvirkjaráð samþykkir að veita fjármagni að upphæð kr. 5.000.000 til kaupa á skorklukku í Íþróttahöllina.
9.Menningarfélag Akureyrar - beiðni um kaup á búnaði
Málsnúmer 2016110028Vakta málsnúmer
Lögð fram beiðni frá stjórn Akureyrarstofu um kaup á búnaði fyrir Hof menningarhús og Samkomuhúsið að upphæð 18.214.980 kr., samkvæmt meðfylgjandi lista, með möguleika á því að skipta kostnaði á tvö ár.
Umhverfis- og mannvirkjaráð samþykkir að veita fjármagni að upphæð kr. 9.000.000 til búnaðarkaupa samkvæmt framlögðum gögnum.
10.Skautafélag Akureyrar - styrkbeiðni vegna búnaðarkaupa
Málsnúmer 2018040114Vakta málsnúmer
Lögð fram beiðni frá frístundaráði um kaup á skorklukku fyrir Skautahöllina að upphæð 2.400.000 kr.
Umhverfis- og mannvirkjaráð samþykkir að veita fjármagni að upphæð kr. 2.400.000 til kaupa á skorklukku samkvæmt framlögðum gögnum.
11.Ráðhús - breytingar á 4. hæð
Málsnúmer 2018010435Vakta málsnúmer
Lagt fram minnisblað vegna fyrirhugaðra framkvæmda, dagsett 25. apríl 2018.
Umhverfis- og mannvirkjaráð vísar tillögunum til umræðu í bæjarráði.
12.Lausaganga katta
Málsnúmer 2018040196Vakta málsnúmer
Tekið fyrir erindi Jóhanns Gunnarssonar sem kom í viðtalstíma bæjarfulltrúa. Hann óskar eftir breytingum á kattahaldi á Akureyri. Vill að lausaganga katta verði bönnuð og átak verði gert í skráningu katta.
Umhverfis- og mannvirkjaráð þakkar ábendinguna. Í gildi eru samþykktir um hunda- og kattahald og ekki stendur til að gera breytingar á þeim að svo stöddu. Ráðið leggur til að reglulega verði birtar auglýsingar til upplýsingar um þær samþykktir sem eru í gildi.
13.Nýju bílastæðin við Gránufélagsgötu verði tveggja tíma stæði
Málsnúmer 2018040193Vakta málsnúmer
Tekið fyrir erindi frá Ragnari Sverrissyni sem kom í viðtalstíma bæjarfulltrúa. Hann kom sem formaður Kaupmannasamtakanna og óskaði eftir því að nýja stæðið við Gránufélagsgötu verði skilgreint sem fyrst sem tveggja tíma stæði. Benti á að það eru bílastæði við íþróttavöllinn sem geta nýst starfsmönnum miðbæjarins en að þetta stæði ætti að vera fyrir viðskiptavini. Teikning fylgir málinu.
Umhverfis- og mannvirkjaráð vísar erindinu til skipulagsráðs.
14.Hreinsun gatna - þvottur á götum og stígum
Málsnúmer 2018040277Vakta málsnúmer
Lagt fram minnisblað dagsett 25. apríl 2018.
Rut Jónsdóttir forstöðumaður umhverfis- og sorpmála sat fundinn undir þessum lið.
Rut Jónsdóttir forstöðumaður umhverfis- og sorpmála sat fundinn undir þessum lið.
Umhverfis- og mannvirkjaráð samþykkir að farið verði í að þvo götur í eigu bæjarins og óskar eftir viðauka til bæjarráðs að upphæð kr. 8.500.000.
15.Loftgæði í Akureyrarbæ
Málsnúmer 2018040278Vakta málsnúmer
Tekinn fyrir 3. liður í fundargerð Heilbrigðisnefndar Norðurlandssvæðis eystra sem haldinn var fimmtudaginn 7. september 2017. Þar er farið fram á aðgerðaáætlun til lágmörkunar á að svifryk fari yfir heilsuverndarmörk í bænum.
Rut Jónsdóttir forstöðumaður umhverfis- og sorpmála sat fundinn undir þessum lið.
Rut Jónsdóttir forstöðumaður umhverfis- og sorpmála sat fundinn undir þessum lið.
Umhverfis- og mannvirkjaráð lítur svo á að umhverfis- og samgöngustefnan, sem er leiðarljós allrar vinnu sem snýr að umhverfis- og samgöngumálum sé í leiðinni aðgerðaáætlun þar sem skýrt kemur fram í henni til hvaða aðgerða skal grípa til þess að ná tilskyldum markmiðum og með stöðugu aðhaldi/eftirfylgni sé þeim haldið. Einnig samþykkti ráðið á fundinum að fara í að þvo götur bæjarins til að sporna við svifryki.
16.Umhverfisátak Akureyrarbæjar 2018
Málsnúmer 2018040279Vakta málsnúmer
Lagt fram minnisblað dagsett 25. apríl 2018 vegna tiltektar í bæjarlandinu.
Rut Jónsdóttir forstöðumaður umhverfis- og sorpmála sat fundinn undir þessum lið.
Rut Jónsdóttir forstöðumaður umhverfis- og sorpmála sat fundinn undir þessum lið.
Umhverfis- og mannvirkjaráð samþykkir að veita fjármagni að upphæð kr. 7.000.000 til verkefnisins og óskar eftir viðauka til bæjarráðs.
17.Lögreglusamþykkt fyrir Akureyrarkaupstað - endurskoðun
Málsnúmer 2017020113Vakta málsnúmer
Rætt um drög að endurskoðaðri Lögreglusamþykkt fyrir Akureyrarkaupstað dagsett 5. apríl 2018.
Rut Jónsdóttir forstöðumaður umhverfis- og sorpmála sat fundinn undir þessum lið.
Rut Jónsdóttir forstöðumaður umhverfis- og sorpmála sat fundinn undir þessum lið.
18.Listasafn - endurbætur
Málsnúmer 2014010168Vakta málsnúmer
Farið var í skoðunarferð á framkvæmdastað.
Fundi slitið - kl. 11:00.
