Stjórn Akureyrarstofu

Hlusta

179. fundur 15. janúar 2015 kl. 16:15 - 18:00 Fundarherbergi Akureyrarstofu í menningarhúsinu Hofi

Nefndarmenn

Logi Már Einarsson formaður
Elvar Smári Sævarsson
Anna Hildur Guðmundsdóttir
Eva Hrund Einarsdóttir
Hildur Friðriksdóttir
Eva Dögg Fjölnisdóttir áheyrnarfulltrúi

Starfsmenn

Skúli Gautason framkvæmdastjóri Akureyrarstofu ritaði fundargerð

Dagskrá

1.Samstarfssamningar um menningarmál

Málsnúmer 2014120052 Vakta málsnúmer

Stjórn Akureyrarstofu hefur á undanförnum árum gert samninga við ýmis félagasamtök um menningarstarf. Slíkir samningar eru iðulega gerðir til tveggja - þriggja ára.

Stjórn Akureyrarstofu felur verkefnisstjóra viðburða og menningarmála að móta tillögur að reglum um samstarfssamninga til menningarmála fyrir næsta fund.

2.Atvinnu- og nýsköpunarhelgin 2012-2015

Málsnúmer 2013040093 Vakta málsnúmer

Atvinnu- og nýsköpunarhelgin verður haldin í Háskólanum 13.- 15. febrúar 2015. Albertína Friðbjörg Elíasdóttir verkefnisstjóri atvinnumála kom á fundinn og sagði frá vinnu við undirbúning helgarinnar.

Stjórn Akureyrarstofu þakkar Albertínu fyrir komuna.

3.Hjartað í heiðinni

Málsnúmer 2015010144 Vakta málsnúmer

Hulda Sif Hermannsdóttir verkefnisstjóri viðburða og menningarmála kom á fundinn og greindi frá hugmyndum um að koma ljósaverkinu "Hjartanu í heiðinni" upp að nýju.

Stjórn Akureyrarstofu þakkar Huldu Sif fyrir komuna. Stjórnin felur starfsmönnum Akureyrarstofu að leita leiða til að koma verkefninu af stað.