Skipulagsráð

Á fundi skipulagsráðs þann 25. október 2023 var tekið fyrir erindi Guðrúnar Sigurðardóttur sviðsstjóra velferðarsviðs þar sem óskað var eftir að kannað yrði hvaða svæði komi til greina til uppbyggingar húsnæðisúrræða fyrir heimilislaust fólk með fjölþættan vanda.

Eru nú lagðar fram tillögur að tveimur svæðum þar sem mögulegt verði að koma fyrir litlum húsum í þessum tilgangi, með þeim möguleika að hægt verði að flytja þau síðar ef aðstæður breytast.

Lögð fram tillaga að breytingu á deiliskipulagi Hagahverfis sem felur í sér að afmörkuð er 9.328 fm leikskólalóð þar sem nú er bæjartorfan Naust II. Er gert ráð fyrir að á lóðinni verði heimilt að byggja um 2.000 fm leikskóla á allt að 2 hæðum. Fyrir liggur umsögn Minjastofnunar dagsett 21. mars 2024 þar sem ekki er gerð athugasemd við niðurrif núverandi húsa, með fyrirvörum um skoðun fornleifafræðings áður en farið verður að grafa á svæðinu.

Erindi dagsett 21. mars 2024 þar sem að Kári Magnússon f.h. Skátafélagsins Klakks óskar eftir því að fá að rífa gamla skátaskálann og byggja hann upp að nýju með nýrri botnplötu en að sömu stærð að grunnfleti.

Lögð fram tillaga að afmörkun lóðar fyrir borholuhús kaldavatnsveitu við Ystabæjarveg í Hrísey.

Erindi dagsett 13. mars 2024 þar sem að Rögnvaldur Harðarson f.h. Akurbergs óskar eftir því að umsókn um deiliskipulagsbreytingu verði tekin fyrir aftur. Fyrir liggur umsögn Minjastofnunar Íslands dagsett 7. febrúar 2024 þar sem fyrirhugaðar breytingar á húsinu eru heimilaðar.

Uppfærsla á skilmálum fyrir Krossaneshaga B áfanga. Breytingin var grenndarkynnt frá 21. nóvember 2023 til og með 21. desember 2023.

Ein athugasemd barst frá Stefáni E. Stefánssyni f.h. íslenska gámafélagsins.

Lögð fram umsókn umhverfis- og mannvirkjasviðs dagsett 21. mars 2024 um framkvæmdaleyfi fyrir bílastæði fyrir rútur meðfram Þórunnarstræti, rétt við Lystigarðinn. Einnig er gert ráð fyrir gerð göngustígs frá Þórunnarstræti og inn í Lystigarðinn.

Fjölbýlishúsalóðir við Miðholt voru auglýstar lausar til úthlutunar 11. mars sl. með umsóknarfresti til 2. febrúar. Ein umsókn barst um lóðirnar, frá BB Byggingum ehf., og er sótt um með fyrirvara um að heimilt verði að breyta skipulagi með þeim hætti að heimilt verði að byggja 3ja hæða fjölbýlishús auk kjallara. Meðfylgjandi er skýringarmynd sem sýnir mögulegt skuggavarp af 3ja hæða húsum samanborið við 2ja hæða hús.

Lögð fram uppfærð starfsáætlun skipulags- og byggingarmála 2024.

Sunna Hlín Jóhannesdóttir B-lista óskar bókað eftirfarandi:

Ef það eru ekki lengur áform um uppbyggingu fjölbýlishúsa í Tónatröð í þeirri mynd sem samþykkt var að auglýsa í febrúar 2023, en ekki verið gert, þá tel ég hreinlegast að taka það verkefni af starfsáætlun og bóka niðurstöðuna svo bæði verktaki og íbúar á svæðinu verði upplýstir um stöðu mála. Í framhaldinu verði sett á starfsáætlun að endurskoða skipulagið með uppbyggingu lítilla fjölbýlishúsa í huga.


Þórhallur Jónsson D-Lista óskar bókað eftirfarandi:

Ég tel að leggja eigi áherslu á að ná samkomulagi við uppbyggingaraðila Tónatraðar sem fyrst. Uppbygging í þeim dúr sem hann hefur kynnt er að mínu mati mjög áhugaverð og verður eflaust mjög eftirsótt. Einnig er þétting byggðar í þeim dúr sem kynnt hefur verið mjög hagkvæm fyrir bæjarfélagið og umhverfið almennt.

Farið yfir stöðu mála varðandi samkomulag Akureyrarbæjar, innviðaráðuneytisins og Húsnæðis- og mannvirkjastofnunar um aukið framboð íbúðarhúsnæðis 2023-2032 og fjármögnun uppbyggingar hagkvæmra íbúða og félagslegs húsnæðis.

Með auglýsingu 11. febrúar sl. var auglýst eftir kauptilboði í byggingarrétt hótels á Jaðarsvelli og var frestur til 13. mars til að skila inn tilboði. Engin tilboð bárust en 8 aðilar náðu í útboðsgögn.

Lagðar fram til kynningar nýútgefnar leiðbeiningar með heitið Mannlíf, byggð og bæjarrými sem unnar voru í samstarfi Skipulagsstofnunar og Samtaka sveitarfélaganna á höfuðborgarsvæðinu.

Lagður fram til kynningar úrskurður innviðaráðuneytisins dagsettur 13. nóvember 2023 varðandi staðfestingargjald í tengslum við úthlutun lóða.

Lagður fram til kynningar úrskurður innviðaráðuneytisins dagsettur 16. febrúar 2024 varðandi álagningu gatnagerðargjalda.

Lögð fram til kynningar fundargerð 957. fundar, dagsett 7. mars 2024, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 958. fundar, dagsett 14. mars 2024, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Lögð fram til kynningar fundargerð 959. fundar, dagsett 21. mars 2024, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.