Skipulagsráð

Lögð fram drög að Umhverfis- og loftslagsstefnu Akureyrarbæjar 2020-2030 ásamt tillögu að aðgerðaáætlun.

Lögð fram til kynningar drög að fjárhagsáætlun skipulagssviðs fyrir árið 2022.

Erindi Haraldar S. Árnasonar dagsett 8. september 2021 fyrir hönd Klettaborgar ehf. þar sem kynnt er tillaga að nýju fjögurra hæða fjölbýlishúsi með inndreginni 5. hæð á lóðinni Hvannavöllum 10. Er gert ráð fyrir 23 íbúðum í húsinu og samtals 23 bílastæðum þar af 16 í bílakjallara.

Erindi dagsett 6. september 2021 þar sem Eyjólfur Magnús Kristinsson fyrir hönd atNorth ehf. leggur inn fyrirspurn um lóð við Hlíðarfjallsveg fyrir byggingu gagnavers. Er óskað eftir að fá úthlutað 1 ha lóð með forgangsrétt á nærliggjandi lóðum til stækkunar.

Umrætt svæði er í aðalskipulagi skilgreint sem athafnasvæði (AT16) sem ætlað er fyrir hreinlega umhverfisvæna atvinnustarfsemi. Er athafnasvæðið 6,5 ha að stærð.

Á fundi bæjarráðs þann 2. september 2021 var samþykkt tilboð Boxhus ehf. í byggingarrétt lóðarinnar Hofsbótar 2.

Erindi dagsett 7. september 2021 þar sem SS Byggir ehf. fyrir hönd Boxhus ehf. óskar eftir að gerð verði breyting á deiliskipulagi fyrir lóð Hofsbótar 2. Er óskað eftir að heimilað verði að vera með íbúðir á hæðum 2, 3 og 4 þannig að fjöldi íbúða verði allt að 16 talsins en ekki 6 eins og gert er ráð fyrir í gildandi skilmálum.

Erindi dagsett 7. september 2021 þar sem Trausti Bergland Traustason sækir um stækkun lóðar nr. 4 við Klettaborg vegna byggingar bílgeymslu. Meðfylgjandi er skýringarmynd.

Erindi Önnu Siggu Lúðvíksdóttur dagsett 8. september 2021 fyrir hönd Landsnets hf. þar sem kynnt er tillaga að legu Dalvíkurlínu 2 í 66 kv jarðstreng frá tengivirki á Rangárvöllum til norðurs að Hörgársveit. Er miðað við að strengurinn verði til að byrja með í nágrenni við legu núverandi 132 kv háspennustrengs sem liggur að Becromal en fer síðan beint til norðurs fram hjá Mýrarlóni og að Hrappsstaðaá, þaðan til vesturs að Hlíðarvegi og áfram norður með veginum.

Er óskað eftir viðbrögðum frá Akureyrarbæ við tillögunni.

Erindi dagsett 7. september 2021 þar sem Einar Guðmundsson sækir um lóð nr. 6 við Matthíasarhaga. Fram kemur að áhugi er á að gerð verði lítil íbúð á neðri hæð sem verði sér fasteign. Meðfylgjandi er yfirlýsing viðskiptabanka.

Erindi dagsett 7. september 2021 þar sem Kista byggingarfélag ehf. sækir um lóð nr. 13 við Naustagötu. Meðfylgjandi er yfirlýsing viðskiptabanka.

Erindi dagsett 27. ágúst 2021 þar sem María Hólmfríður Marinósdóttir og Halldór Halldórsson sækja um lóð nr. 24 við Margrétarhaga. Meðfylgjandi er yfirlýsing viðskiptabanka.

Breyting á deiliskipulagi fyrir suðurhluta Drottningarbrautarreits tók gildi með auglýsingu í B-deild Stjórnartíðinda 27. ágúst 2021 þar sem meðal annars er gert ráð fyrir breytingum á lóðum á svæðinu. Er lagt fram erindi Jens Sandholt móttekið 8. september 2021 fyrir hönd Pollsins ehf. þar sem sótt er um lóðina Austurbrú 10 (Austurbrú 10-18) sem er 3.942 fm að stærð.

Breyting á deiliskipulagi fyrir suðurhluta Drottningarbrautarreits tók gildi með auglýsingu í B-deild Stjórnartíðinda 27. ágúst 2021 þar sem meðal annars er gert ráð fyrir breytingum á lóðum á svæðinu. Er lagt fram erindi Jens Sandholt móttekið 8. september 2021 fyrir hönd Pollsins ehf. þar sem sótt er um lóðina Hafnarstræti 80 sem er 835 fm að stærð.

Erindi dagsett 24. ágúst 2021 þar sem Arnar Gauti Finnsson fyrir hönd Frænka B5 ehf. sækir um leyfi fyrir breyttri notkun húss nr. 5 við Brekkugötu. Fyrirhugað er að opna snyrtistofu. Meðfylgjandi er teikning.

Erindi dagsett 30. ágúst 2021 þar sem Haraldur Sigmar Árnason leggur inn fyrirspurn varðandi byggingu bílgeymslu á lóð nr. 25 við Ægisgötu. Meðfylgjandi er teikning eftir Harald S. Árnason og samþykki nágranna.

Erindi dagsett 1. september 2021 þar sem Hildur Ríkharðsdóttir leggur inn fyrirspurn varðandi fyrirhugaða viðbyggingu við hús á lóð nr. 9 við Hríseyjargötu. Viðbyggingin kemur í stað annarrar minni sem er illa farin. Meðfylgjandi eru skýringarmyndir og greinargerð.

Erindi dagsett 7. september 2021 þar sem Valbjörn Ægir Vilhjálmsson fyrir hönd Arnfinns ehf. sækir um byggingarleyfi fyrir breytingum í húsi nr. 90 við Hafnarstræti. Fyrirhugað er að opna veitingarekstur. Meðfylgjandi eru teikningar eftir Valbjörn Ægi Vilhjálmsson.

Erindi dagsett 2. september 2021 þar sem Franz Viðar Árnason fyrir hönd Fallorku ehf. sækir um framkvæmdaleyfi fyrir hreinsun inntakslóna við Glerárvirkjun. Í aðalskipulagi er svæðið merkt sem E1 og kemur fram að gert sé ráð fyrir að efnistaka sé u.þ.b. 2.000 rúmmetrar á ári.

Erindi dagsett 26. ágúst 2021 þar sem Hafnasamlag Norðurlands bs. sækir um framkvæmdaleyfi fyrir endurbyggingu og endurbótum á Torfunefsbryggju til samræmis við gildandi deiliskipulag. Felur það í sér að hafnarkantur verður um 20 m austar en núverandi kantur með tilheyrandi stækkun á bryggju.

Lögð fram til kynningar fundargerð 829. fundar, dagsett 2. september 2021, með fullnaðarafgreiðslum erinda. Fundargerðin er í 9 liðum og er að finna á heimasíðu Akureyrarbæjar.

Lögð fram til kynningar fundargerð 828. fundar, dagsett 26. ágúst 2021, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.