Skipulagsráð

Lögð fram til kynningar tillaga að því hvernig koma mætti heilsugæslu fyrir á lóðinni Skarðshlíð 20 ásamt íbúðabyggingum.

Erindi dagsett 19. ágúst 2020 þar sem Sigbjörn Kjartansson leggur inn fyrirspurn varðandi fyrirhugaðar breytingar á húsi nr. 11 við Eiðsvallagötu. Lögð er inn fyrirspurn varðandi stærri bílskúr en búið er að leggja drög fyrir. Meðfylgjandi eru teikningar.

Skipulagsráð samþykkti á fundi 24. júní sl. að grenndarkynna tillögu sem felur í sér stækkun lóðarinnar Hamragerði 20 um 4m til austurs vegna fyrirhugaðrar viðbyggingar við bílskúr. Var tillagan grenndarkynnt þann 29. júní og lauk henni 29. júlí 2020. Engar athugasemdir bárust.

Erindi dagsett þann 9. júní 2020 þar sem Ragnheiður Sverrisdóttir spyrst fyrir um byggingarleyfi fyrir viðbyggingu við hús á lóð nr. 20 við Hamragerði. Erindið fór í grenndarkynningu þann 29. júní og lauk 29. júlí 2020. Engar athugasemdir bárust.

Erindi Valþórs Brynjarssonar dagsett 10. ágúst 2020, f.h. eigenda Norðurgötu 16, um hvort heimilt verði að fjölga íbúðum úr fjórum í sex auk breytinga á fjölda og stærð kvista, mænishæð, klæðningu og þakgerð.

Erindi dagsett 11. ágúst 2020 þar sem Andri Þór Bjarnason leggur inn fyrirspurn varðandi breytingar á húsi og lóð nr. 5 við Bjarmastíg. Fyrirspurnin er í fjórum liðum.

1. Fjölgun bílastæða. 2. Lækka jarðvegshæð og bæta við hurðum á geymslu. 3. Stigi/stigahús á norðurhlið með hurðum inn á hæðir. 4. Skipta eign í tvö fastanúmer. Meðfylgjandi eru skýringarteikningar.

Lagt fram minnisblað þar sem sett er fram tillaga að útfærslu á hugmyndasamkeppni um lóðirnar Austurbrú 10-12 og Hafnarstræti 80.

Erindi dagsett 13. ágúst 2020 þar sem Guðmundur Otti Einarsson sendir inn ábendingar vegna umferðarhraða í Kjarnagötu.

Lagðar fram tvær tillögur að breytingum á staðföngum á lóðinni Skólastígur 4. Í annarri felst að sett eru númer á byggingar innan lóðarinnar og áfram notast við núverandi götuheiti (Skólastígur 4-10 og Kaupvangsstræti 31), í hinni er gert ráð fyrir að útbúið verði nýtt götuheiti fyrir sundhöll, líkamsræktarstöð og íþróttahöllina (t.d. Sundlaugarstígur).

Lagðar fram niðurstöður umferðarmælingar við Álfabyggð í kjölfar ábendinga frá íbúum á svæðinu um mikinn umferðarþunga og hraðakstur.

Lagt fram að nýju erindi eiganda Hafnarstrætis 82 dagsett 6. maí 2020 þar sem farið er fram á skaðabætur vegna framkvæmda á aðliggjandi lóðum undanfarin ár. Var málið áður á dagskrá skipulagsráðs 27. maí 2020. Þá er jafnframt lagt fram minnisblað Ingu Þallar Þórgnýsdóttur bæjarlögmanns dagsett 21. ágúst 2020.

Sviðsstjóri skipulagssviðs gerði grein fyrir stöðu mála varðandi fyrirhugaðar framkvæmdir til að bæta umferðaröryggi á gangbraut við Hörgárbraut á móts við Stórholt.

Fram kom að áætlað er að framkvæmdir hefjist á næstu vikum.

Lögð fram til kynningar uppfærð tillaga að starfsáætlun skipulagssviðs fyrir árið 2021.

Sviðsstjóri skipulagssviðs fór yfir stöðu mála í rekstri sviðsins fyrstu 6 mánuði ársins 2020.

Erindi dagsett 24. ágúst 2020 þar sem Þröstur Sigurðsson fyrir hönd Byggingarfélagsins Hyrnu ehf., kt. 710594-2019, óskar eftir framkvæmdafresti á lóðinni nr. 10 við Kristjánshaga. Rökstuðningur er í meðfylgjandi bréfi.

Tölvupóstur dagsettur 25. ágúst 2020 þar sem Björn Þór Guðmundsson fyrir hönd BF Byggingar ehf., kt. 621116-2230, sækir um framkvæmdafrest á lóðinni nr. 4 við Jóninnuhaga til vorsins 2021.

Lögð fram til kynningar fundargerð 777. fundar, dagsett 7. ágúst 2020, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 778. fundar, dagsett 14. ágúst 2020, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 779. fundar, dagsett 20. ágúst 2020, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.