Glerárgata 26 - endurbætur og nýr leigusamningur 2024

Bæjarráð felur bæjarstjóra að vinna málið áfram.


Hilda Jana Gísladóttir S-lista og Sif Jóhannesar Ástudóttir V-lista óska bókað:

Mun betra, bæði fjárhagslega og faglega, hefði verið líkt og áður var fyrirhugað, að sameina alla stjórnsýslu sveitarfélagsins undir einu þaki í húsnæði sem væri alfarið í eigu Akureyrarbæjar og ná þannig fram töluverðu hagræði og mun lægri rekstrarkostnaði til lengri tíma. Hefði verið staðið við þá ákvörðun sem bæjarstjórn tók á sínum tíma, þá væri líklega um þessar mundir orðin að veruleika framtíðarlausn fyrir alla miðlæga stjórnsýslu sveitarfélagsins.

Bæjarráð hefur heimild til fullnaðarafgreiðslu mála í júlí og ágúst 2024 sbr. bókun í 1. lið fundargerðar bæjarstjórnar 18. júní sl.


Meirihluti bæjarráðs samþykkir framlagðan leigusamning við Reyki fasteignafélag ehf. um fasteignina Glerárgötu 26.

Sindri Kristjánsson S-lista og Sunna Hlín Jóhannesdóttir B-lista sitja hjá.


Sindri Kristjánsson S-lista og Sif Jóhannesar Ástudóttir V-lista óska bókað:

Fyrir rétt tæpum þremur árum birtist á vef bæjarins tilkynning um að niðurstaða væri komin í hugmyndasamkeppni um viðbyggingu og endurbætur á ráðhúsinu á Akureyri. Þar var endahnútur bundinn á verkefni þar sem óskað var eftir tillögum að framtíðarsýn um að koma allri stjórnsýslu bæjarins fyrir á einum og sama staðnum. Tilkynningin er enn aðgengileg á vef Akureyrarbæjar. Málið sem hér er til umræðu er afleiðing ákvörðunar meirhluta L-lista, Sjálfstæðisflokks og Miðflokksins um að hætta við þessi áform. Þeirri ákvörðun erum við alfarið ósammála. Ljósið í myrkrinu er að í staðinn verður ráðist í bráðnauðsynlegar endurbætur á húsnæðinu á Glerárgötu 26 starfsfólki og notendum til mikilla hagsbóta.

Bæjarráð samþykkir með 3 atkvæðum að gerður verði viðauki við fjárhagsáætlun vegna málsins og felur sviðsstjóra fjársýslusviðs að vinna viðaukann.


Hilda Jana Gísladóttir S-lista og Sunna Hlín Jóhannesdóttir B-lista sitja hjá.