Skjaldarvík - áform

Umræður um framtíðarnotkun á jörðinni og húsnæði í Skjaldarvík.

Rætt um undirbúning sölu mannvirkja Akureyrarbæjar í Skjaldarvík og gerð lóðasamninga um eignirnar. Bæjarráð samþykkti á fundi sínum 18. nóvember 2021 að mannvirkin, sem ekki eru í notkun undir starfsemi bæjarins, yrðu seld við lok leigusamninga um eignirnar. Var bæjarlögmanni, sviðsstjóra skipulagssviðs og sviðsstjóra fjársýslusviðs falið að taka saman gögn og upplýsingar um eignirnar, undirbúa sölu mannvirkjanna og gerð lóðasamninga um eignirnar í samvinnu við Hörgársveit.

Dan Jens Brynjarsson sviðsstjóri fjársýslusviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Rætt um undirbúning að lóðarskiptingu í Skjaldarvík.

Pétur Ingi Haraldsson skipulagsfulltrúi sat fund bæjarráðs undir þessum lið.

Lagt fram minnisblað varðandi framtíðaráform vegna Skjaldarvíkur.

Liður 7 í fundargerð umhverfis- og mannvirkjaráðs dagsettri 2. júlí 2024:

Lagt fram minnisblað varðandi framtíðaráform vegna Skjaldarvíkur.

Umhverfis- og mannvirkjaráð samþykkir að fela sviðsstjóra umhverfis- og mannvirkjasviðs að vinna málið áfram og auglýsa fasteignirnar til leigu og vísar ákvörðuninni um fullnaðarafgreiðslu til bæjarráðs.

Dan Jens Brynjarsson sviðsstjóri fjársýslusviðs og Dóra Sif Sigtryggsdóttir forstöðumaður rekstrardeildar og umhverfismiðstöðvar sátu fund bæjarráðs undir þessum lið.

Lagt fram minnisblað dagsett 13. desember 2024 vegna opnunar tilboða í leigu á húsnæði í Skjaldarvík.

Í upphafi þessa dagskrárliðar vakti Ketill Sigurður Jóelsson athygli á vanhæfi sínu til að sitja fundinn undir þessum lið.

Með vísan til 3. tl. 1. mgr. 3. gr. stjórnsýslulaga nr. 37/1993 vék hann af fundi undir þessum lið og við fundarritun tók Georg Fannar Haraldsson.