Hálönd - breyting á deiliskipulagi 1. áfanga frístundabyggðar og verslunar- og þjónustusvæðis

Erindi dagsett 11. nóvember 2013 frá Sigurði Sigurðssyni, þar sem hann f.h. Hálanda ehf., kt. 410910-0390, sækir um breytingu á deiliskipulagi 1. áfanga frístundabyggðar og verslunar- og þjónustusvæðis í Hálöndum. Um er að ræða nýja lóð með byggingarreit fyrir spennistöð Norðurorku og skýli fyrir skíðaiðkendur. Einnig er gert ráð fyrir áföstu skilti eða frístandandi á lóðinni að hámarki 8m frá jörðu. Auk þess eru gerðar breytingar á staðsetningu raflínu í jörð.

3. liður í fundargerð skipulagsnefndar dags. 13. nóvember 2013:
Erindi dags. 11. nóvember 2013 frá Sigurði Sigurðssyni, þar sem hann f.h. Hálanda ehf, kt. 410910-0390, sækir um breytingu á deiliskipulagi 1. áfanga frístundabyggðar og verslunar- og þjónustusvæðis í Hálöndum. Um er að ræða nýja lóð með byggingarreit fyrir spennistöð Norðurorku og skýli fyrir skíðaiðkendur. Einnig er gert ráð fyrir áföstu skilti eða frístandandi á lóðinni að hámarki 8m frá jörðu. Auk þess eru gerðar breytingar á staðsetningu raflínu í jörð.
Einungis er um minniháttar breytingu að ræða þar sem útbúin er lítil lóð fyrir spennistöð NO í jaðri svæðisins og felld er niður eldri lagnaleið vegna þessa og er breyting sem varðar Akureyrarkaupstað og lóðarhafa.
Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.

Í upphafi þessa dagskrárliðar vakti Logi Már Einarsson S-lista á því á því athygli að hann teldi sig vanhæfan að fjalla um þennan lið.
Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarstjórn og var það samþykkt með 11 samhljóða atkvæðum.
Logi Már Einarsson S-lista vék af fundi við umræðu og afgreiðslu málsins.