Framkvæmdadeild - framkvæmdaáætlun 2012

Framkvæmdaráð er sammála um að farið verði í hönnun á dælustöð í Krossanesi og stefnir jafnframt að því að framkvæmdum við dælustöðina verði lokið á árinu 2013. Öðrum tillögum endurskoðunar er frestað.

Njáll Trausti Friðbertsson fulltrúi D-lista leggur fram eftirfarandi bókun:

Ég legg til að gerð verði kostnaðaráætlun fyrir mögulega lengingu göngustígsins sem verið er að klára úr Innbænum út á flugvöll meðfram Drottningarbrautinni. Það er frá afleggjara við flugvöll að gönguleiðinni yfir gömlu brýrnar sunnan við flugvöll. Um er að ræða ca. 7-800 metra langan kafla sem myndi tengja saman göngustíginn sem verður fullkláraður á þessu ári og þær gönguleiðir sem nú þegar eru til staðar. Þar með yrði lokið við að tengja saman göngustígakerfi bæjarins við óshólma Eyjafjarðarár og skapa einstaka möguleika til útivistar. Hvort sem er fyrir göngu-, hjólreiðafólk eða þá sem stunda hlaup.