Sjónlistamiðstöðin á Akureyri - skipulag og þróun

Stjórn Akureyrarstofu þakkar Hannesi fyrir komuna á fundinn og gagnlegar umræður og óskar Sjónlistamiðatöðinni til hamingju með Sjónpípuna.

Hildur Friðriksdóttir fulltrúi V-lista í stjórn Akureyrarstofu óskar bókað:

Í tilefni af gjörningi Hannesar Sigurðssonar forstöðumanns Sjónlistamiðstöðvar á sýningunni Syntagma sem nú stendur yfir, þá vill fulltrúi VG í stjórn Akureyrarstofu mótmæla því harðlega að opinbert fjármagn og vald sé nýtt í persónulegum tilgangi til að koma höggi á formann Myndlistarfélagsins. Auk þess telur fulltrúi VG að heppilegra hefði verið að málið hefði verið tekið fyrir í stjórn Akureyrarstofu áður en framkvæmdastjóri gaf yfirlýsingar um málsmeðferð í fjölmiðlum.

Stjórn Akureyrarstofu samþykkir drögin með áorðnum breytingum.

Stjórn Akureyrarstofu samþykkir að skipa Hildi Friðriksdóttur og Jón Hjaltason í vinnuhóp sem fari yfir samþykktir og skipulag Sjónlistamiðstöðvarinnar. Framkvæmdastjóri Akureyrarstofu starfi með þeim að verkefninu.

Stjórn Akureyrarstofu felur framkvæmdastjóra Akureyrarstofu að auglýsa eftir nýjum forstöðumanni fyrir Sjónlistamiðstöðina á grundvelli þeirra hugmynda sem kynntar voru á fundinum. Jafnframt er vinnuhópnum falið að ljúka endurskoðun samþykktar fyrir stofnunina á sama grunni.

Stjórn Akureyrastofu felur framkvæmdastjóra og forstöðumanni Sjónlistamiðstöðvarinnar að ljúka við drögin fyrir lokaafgreiðslu þeirra frá stjórninni.

Stjórn Akureyrarstofu samþykkir drögin fyrir sitt leyti og vísar til staðfestingar í bæjarstjórn.

Bæjarstjórn samþykkir framlagða samþykkt fyrir Listasafnið á Akureyri með 11 samhljóða atkvæðum.