Frístundaráð

Frístundaráð samþykkir að vísa erindinu til fjárhagsáætlunargerðar 2022.


Anna Hildur Guðmundsdóttir L-lista og Sunna Hlín Jóhannesdóttir B-lista lögðu fram eftirfarandi bókun:

Nú hefur verið skrifað undir viljayfirlýsingu við KA um uppbyggingu á félagssvæði þeirra og hafin umræða við Þór um að fara í deiliskipulagsvinnu á þeirra svæði. Einnig hefur nú borist erindi frá íþróttafulltrúa Þórs þar sem óskað er eftir endurnýjun á gólfefnum í íþróttahúsi Síðuskóla og umræða um endurskipulagningu á nýtingu þess og Íþróttahallarinnar, sem og umræða um mögulegar framkvæmdir á íþróttamiðstöð Glerárskóla.

Anna Hildur Guðmundsdóttir og Sunna Hlín Jóhannesdóttir kalla eftir umræðum um framtíðarsýn á nýtingu íþróttamannvirkja Akureyrarbæjar og spyrja hvort ekki fari best á því að hlutaðeigandi aðilar setjist niður saman og komist að niðurstöðu um hvaða íþróttagreinar henti best fyrir hvert svæði fyrir sig. Það vantar sameiginlega framtíðarsýn sem byggir á hagsmunum allra. Eftir munu standa sterkari félög sem geta þá skipulagt til framtíðar og skýrari sýn fæst á málefni íþróttamála hjá Akureyrarbæ.


Eva Hrund Einarsdóttir D-lista, Sveinn Arnarsson S-lista, Viðar Valdimarsson M-lista og Ásrún Ýr Gestsdóttir V-lista leggja fram eftirfarandi bókun:

Hópur hefur nú þegar verið skipaður af frístundaráði varðandi sameiningar félaga og er hluti af þeirri vinnu að fara yfir nýtingu íþróttamannvirkja.

Frístundaráð telur mikilvægt að haldið verði áfram með verkefnið og veitt verði fjármagn til þess að hægt sé að koma því af stað haustið 2021. Óskað er eftir afstöðu fræðsluráðs til málsins.