Bæjarstjórn

1. liður í fundargerð skipulagsnefndar dagsett 10. september 2014:
Skipulagsstjóri lagði fram tillögu að breytingu á deiliskipulagi "Hafnarsvæða sunnan Glerár" í samræmi við bókun nefndarinnar 30. júlí sl. Breytingartillagan gerir ráð fyrir niðurrifi á tveimur bröggum á lóðinni nr. 4 við Fiskitanga, matsnúmer 214-9755 og 214-9759. Tillagan er unnin af Fanneyju Hauksdóttur arkitekt hjá AVH teiknistofu ehf, dagsett 1. september 2014.
Í umsögn Norðurorku, dagsettri 4. september 2014, kemur fram að Norðurorka eigi dreifistöð við braggana. Finna þarf lausn þannig að dreifistöðin verði í útkanti nýbyggingarinnar við opna umferð eða þá að eldri stöð við Hafnarhús verði stækkuð. Einnig er möguleiki á að stöðin verði á núverandi stað ef aðkoma verður tryggð.
Einungis er um að ræða niðurrif á tveimur bröggum þar sem fyrir liggur jákvæð umsögn Minjastofnunar um niðurrifið og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 3. mgr. 44. gr. skipulagslaga nr. 123/2010.
Skipulagsnefnd tekur undir umsögn Norðurorku um að fundin skuli lausn á málefni spennistöðvar, sem er innan lóðar ÚA, áður en hafnar verði breytingar á mannvirkjum.

3. liður í fundargerð skipulagsnefndar dagsett 10. september 2014:
Erindi dagsett 4. september 2014 frá Hjalta Jóni Sveinssyni þar sem hann sækir um breytingu á deiliskipulagi hesthúsahverfisins Breiðholts. Um er að ræða stækkun á byggingarreit um tvo metra til norðurs.
Meðfylgjandi er tillaga að deiliskipulagsbreytingu dagsett 8. september 2014, sem er í samræmi við ofangreint og unnin af Landslagi ehf.
Einungis er um að ræða stækkun á byggingarreit um tvo metra innan lóðar og er breyting sem varðar Akureyrarkaupstað og lóðarhafa. Nýtingarhlutfall lóðarinnar helst óbreytt.
Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 3. mgr. 44. gr. skipulagslaga nr. 123/2010.

7. liður í fundargerð bæjarráðs dagsett 21. ágúst 2014:
Lögð fram tillaga að breytingum á samþykkt fyrir bæjarráð Akureyrar.
Bæjarráð vísar tillögu að breytingum á samþykkt fyrir bæjarráð til bæjarstjórnar með þeim breytingum sem fram komu á fundinum.

5. liður í fundargerð bæjarráðs dagsett 4. september 2014:
1. liður í fundargerð kjarasamninganefndar dagsett 26. ágúst 2014:
Lögð fram til umsagnar tillaga að breytingum á samþykkt fyrir kjarasamninganefnd Akureyrar.
Kjarasamninganefnd samþykkir framlagða tillögu fyrir sitt leyti.
Bæjarráð samþykkir framlagða tillögu að breytingum á samþykkt fyrir kjarasamningnefnd Akureyrar og vísar henni til afgreiðslu bæjarstjórnar.

3. liður í fundargerð bæjarráðs dagsett 4. september 2014:
Lagður fram viðauki við fjárhagsáætlun Akureyrarbæjar 2014-2017 vegna fjárveitinga til búsetudeildar vegna brýnna þarfa þriggja einstaklinga fyrir húsnæði og sérhæfða þjónustu og vegna rekstrarsamnings um rekstur Lautarinnar sem samþykkt voru í bæjarráði 28. ágúst sl.
Bæjarráð samþykkir framlagðan viðauka og vísar honum til staðfestingar í bæjarstjórn.

Bæjarfulltrúi Gunnar Gíslason D-lista óskaði eftir að tekin yrði umræða um skólamál á Akureyri, stöðu og framtíð.

Umræða um ráðningu aðstoðarmanns bæjarstjóra.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.