Bæjarstjórn

Ársreikningur Akureyrarbæjar er borinn upp í heild sinni og samþykktur með 11 samhljóða atkvæðum.

Bæjarstjórn samþykkir með 11 samhljóða atkvæðum framlagðar tillögur að breytingum á samþykktum Lífeyrissjóðs starfsmanna Akureyrarbæjar.

Bæjarstjórn samþykkir framlagða tillögu að breytingu á deiliskipulagi Melgerðisáss og Skarðshlíðar A-hluta með 11 samhljóða atkvæðum.

Bæjarstjórn samþykkir samhljóða með 11 atkvæðum framlagða tillögu að breytingu á deiliskipulagi athafnasvæðis við Austursíðu og að tillagan verði auglýst skv. 41. gr. skipulagslaga nr. 123/2010.

Bæjarstjórn samþykkir með 11 samhljóða atkvæðum framlagða tillögu að breytingu á deiliskipulagi athafnasvæðis við Grænhól og að tillagan verði auglýst skv. 41. gr. skipulagslaga nr. 123/2010.

Bæjarstjórn samþykkir framlagðar breytingar á reglum um stuðningsþjónustu með 11 samhljóða atkvæðum.

Alfa Dröfn Jóhannsdóttir og Sunna Hlín Jóhannesdóttir B-lista óska að bóka:

Við skorum á meirihlutann að láta innleiðingu heimsmarkmiðanna, hvort heldur í heild eða að hluta, ekki verða að óyfirstíganlegu verkefni, heldur líta á hvað við erum að gera nú þegar, hvað við getum gert og stíga fyrsta skrefið. Hvert einasta skref skiptir máli og getur jafnvel skipt sköpum. Tökum einn bita af fílnum í einu ef það er það sem þarf til að hefjast handa. Við eigum að leiða, ekki fylgja.


Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Við ítrekum þá afstöðu okkar að Akureyrarbær ætti að hefja formlega innleiðingu heimsmarkmiða Sameinuðu þjóðanna um sjálfbæra þróun.


Meirihlutinn óskar bókað:

Meirihlutinn telur að markvisst eigi að vinna að innleiðingu heimsmarkmiðanna og horfa til þess sem nú þegar hefur verið gert hjá sveitarfélaginu. Heimsmarkmið Sameinuðu þjóðanna um sjálfbæra þróun er ákall um þátttöku allra og undan því skorast Akureyrarbær ekki. Bæjarráð fól bæjarstjóra að kanna kosti og galla þess að hefja formlega innleiðingu og svara könnun sem Samband íslenskra sveitarfélaga hafði óskað eftir að yrði gert þann 23. mars síðastliðinn og er beðið eftir niðurstöðu vinnunnar af hálfu sambandsins. Meirihlutinn telur að jafnt og þétt eigi að tengja heimsmarkmiðin stefnum sveitarfélagsins og leggur til að lýðheilsustefna sem hafin er vinna við hafi heimsmarkmiðin að leiðarljósi, ásamt því að aðgerðaáætlun umhverfis- og loftlagsstefnunnar verði tengd markmiðunum. Þannig getur Akureyrarbær hafið innleiðingu heimsmarkmiðanna og lagt sitt lóð á vogarskálarnar.

Tillaga Jönu Salóme Ingibjargar Jósepsdóttur var borin upp til atkvæða.

Fimm greiddu atkvæði með tillögunni, sex greiddu atkvæði gegn tillögunni. Tillagan var felld.


Meirihlutinn óskar bókað:

Grófin geðrækt er mikilvægur vettvangur fyrir fólk sem glímir við geðraskanir. Starfsfólk velferðarsviðs hefur um nokkurt skeið verið í samtali við forsvarsfólk Grófarinnar um hvort og hvernig sveitarfélagið getur komið að því að styðja við starfsemina. Það samtal er enn í gangi. Meirihlutinn telur eðlilegt að velferðarráð ljúki þeirri vinnu sem hafin er og leggi tillögu um næstu skref fyrir bæjarráð.