Bæjarráð

Sigurður Kristinsson formaður stjórnar, Þuríður Helga Kristjánsdóttir framkvæmdastjóri og Magna Guðmundsdóttir fulltrúi í stjórn MAK mættu á fund bæjarráðs og fóru yfir stöðu og horfur í rekstri Menningarfélags Akureyrar.

Einnig sat Dan Jens Brynjarsson fjármálastjóri fundinn undir þessum lið.

Rætt um viljayfirlýsingu Alþýðusambands Íslands og Reykjavíkurborgar um uppbyggingu á 1000 íbúðum á næstu fjórum árum.

Dan Jens Brynjarsson fjármálastjóri sat fund bæjarráðs undir þessum lið.

Rætt um gúmmíkurl á gervigrasvöllum Akureyrarbæjar.

Dan Jens Brynjarsson fjármálastjóri sat fund bæjarráðs undir þessum lið.

Lagt fram erindi dagsett 10. mars 2016 frá Bo Dahllöf borgarstjóra Västerås þar sem hann er að athuga hvort færa megi vinabæjamót sem haldið verður í Västerås í ár um eina viku þ.e. til daganna 16. og 17. júní. Einnig er óskað eftir áliti sveitarfélagsins á því hvort breyta eigi hve marga fulltrúa hvert sveitarfélag sendir á vinabæjamótin þannig að á vinabæjamótin mæti aðeins 2 fulltrúar bæjarstjóri og forseti bæjarstjórnar.

Erindi dagsett 14. mars 2016 frá stjórn Norðurorku hf, þar sem boðað er til aðalfundar Norðurorku hf 1. apríl nk. kl. 14:00 í Hofi, Akureyri.

Lögð fram fundargerð viðtalstíma bæjarfulltrúa dagsett 10. mars 2016. Fundargerðin er í 4 liðum.

Lagt fram til kynningar erindi dagsett 7. mars 2016 frá velferðarnefnd Alþingis þar sem óskað er umsagnar um frumvarp til laga um málefni aldraðra (réttur til sambúðar á stofnunum), 352. mál 2016.

Þess er óskað að undirrituð umsögn berist eigi síðar en 1. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0452.html

Lagt fram til kynningar erindi dagsett 8. mars 2016 frá velferðarnefnd Alþingis þar sem óskað er umsagnar um tillögu til þingsályktunar um skilyrðislausa grunnframfærslu (borgaralaun), 354. mál 2016.

Þess er óskað að undirrituð umsögn berist eigi síðar en 1. apríl 2016 á netfangið nefndasvid@althingi.is.

Þingskjalið er hægt að sækja á vef Alþingis:

http://www.althingi.is/altext/145/s/0454.html

Lögð fram og samþykkt eftirfarandi bókun:



Bæjarráð Akureyrar fagnar ákvörðun Alþjóðlegu norðurskautsvísindanefndarinnar (IASC) um að flytja skrifstofu nefndarinnar frá Þýskalandi til Akureyrar um næstu áramót. Bæjarráð þakkar sömuleiðis stuðning ríkisstjórnar Íslands í málinu.

Ákvörðun þessi treystir stöðu Akureyrar sem miðstöðvar norðurslóðamála á Íslandi, en nú þegar eru á Akureyri fjölmargir aðilar sem starfa að málefnum norðurslóða s.s. Norðurslóðanet Íslands, Stofnun Vilhjálms Stefánssonar, PAME og CAFF svo fáeinir séu nefndir.