Afgreiðslufundur byggingarfulltrúa

Erindi dagsett 5. febrúar 2019 þar sem Haraldur S. Árnason fyrir hönd Hika ekki ehf., kt. 590809-0550, og EF1 hf., kt. 681113-0960, sækir um byggingarleyfi vegna viðbyggingar og breytinga á húsi nr. 1 H-I við Dalsbraut. Meðfylgjandi eru teikningar eftir Harald S. Árnason. Innkomnar nýjar teikningar 20. febrúar 2019.

Erindi dagsett 8. febrúar 2019 þar sem Haraldur S. Árnason fyrir hönd SS Byggis ehf., kt. 620687-2519, sækir um byggingarleyfi fyrir fjölbýlishúsi á lóð nr. 51 við Kjarnagötu. Meðfylgjandi eru aðaluppdrættir eftir Harald S. Árnason. Óskað er eftir heimild til jarðvegsskipta.

Erindi dagsett 1. febrúar 2019 þar sem Ágúst Hafsteinsson fyrir hönd Coca-cola European Partners ehf., kt. 470169-1419, sækir um byggingarleyfi fyrir viðbyggingu við hús nr. 18 við Furuvelli. Viðbyggingin er tveir nýir stáltankar ásamt viðbyggingu við austurhlið vinnslusals. Meðfylgjandi eru teikningar eftir Ágúst Hafsteinsson. Skipulagsráð afgreiddi erindið á fundi sínum 13. febrúar 2019 og hafði ekkert við áformin að athuga.

Erindi dagsett 14. febrúar 2019 þar sem Arnór Ingi Hansen og Nína Arnarsdóttir leggja inn fyrirspurn varðandi fyrirhugaða viðbyggingu við hús nr. 8 við Möðruvallastræti. Meðfylgjandi eru tillöguteikningar frá Eflu.

Erindi dagsett 12. febrúar 2019 þar sem Gísli Gestsson fyrir hönd Ljósmyndavara ehf., kt. 540174-0409, sækir um byggingarleyfi fyrir breytingum á 2. hæð húss nr. 1 við Kaupvangsstræti. Fyrirhugað er að útbúa nýtt forrými við lyftu. Meðfylgjandi eru teikningar eftir Gunnlaug Jónasson.