Kristjana Arngrímsdóttir á Sumartónleikum

Kristjana Arngrímsdóttir.

Söngkonan vinsæla Kristjana Arngrímsdóttir kemur fram á þriðju Sumartónleikum ársins í Akureyrarkirkju á sunnudaginn. Með henni koma fram þeir Örn Eldjárn og Jón Rafnsson. Saman munu þau flytja blandaða söngdagskrá eins og þeim einum er lagið.

Kristjana er fædd á Dalvík og stundaði tónlistarnám á Íslandi og í Danmörku. Hún var í 14 ár félagi í Tjarnarkvartettinum sem var þekktur víða um Evrópu fyrir flutning á norrænum söng- og þjóðlögum en auk þess hefur hún gefið út nokkra einsöngs plötur sem hafa notið mikillar hylli fyrir vandaðan flutning og sönggleði.

Tónleikarnir eru sunnudaginn kl. 17 og aðgangur er ókeypis.