Umhverfis- og mannvirkjaráð

Lilja G. Karlsdóttir sviðsstjóri Byggðatæknisviðs VSB kynnti hönnun á Móahverfi.

Rut Jónsdóttir forstöðumaður umhverfis- og sorpdeildar og Pétur Ingi Haraldsson skipulagsfulltrúi kynntu hugmyndir að færslu hundasvæðisins á Borgum.

Jón Birgir Gunnlaugsson verkefnastjóri umhverfis- og sorpmála sat fundinn undir þessum lið.

Lögð fram gögn varðandi skipulag í miðbæ Akureyrar.

Pétur Ingi Haraldsson skipulagsfulltrúi, Jón Birgir Gunnlaugsson verkefnastjóri umhverfis- og sorpmála og Rut Jónsdóttir forstöðumaður umhverfis- og sorpmála sátu fundinn undir þessum lið og kynntu verkefnið.

Drög að framkvæmdaáætlun lögð fram til kynningar fyrir ráðið.

Heimir Örn Árnason forseti bæjarstjórnar kynnti áherslur meirihluta bæjarstjórnar í framkvæmdaáætlun fyrir árin 2023-2026.

Sóley Björk Stefánsdóttir V-lista, Sindri Kristjánsson S-lista og Gunnar Már Gunnarsson B-lista óska bókað:

Þessi framkvæmdaáætlun ber vott um óábyrga sýn á fjárfestingar, rekstur og framtíð sveitarfélagsins. Fjárfestingar eru auknar verulega ef miðað er við fjárfestingar síðastliðinna 13 ára. Það veldur miklum vonbrigðum þar sem þetta mun óhjákvæmilega valda niðurskurði í þjónustu við bæjarbúa þegar að skuldadögum kemur enda ekki búið að leggja mat á kostnað við rekstur þeirra mannvirkja sem til stendur að byggja. Í málaflokki æskulýðs- og íþróttamála er meðaltals fjárfesting næstu fimm árin 847 milljónir á ári en síðustu 13 árin hefur meðaltals fjárfesting í málaflokknum verið 316 milljónir á ári. Þetta þýðir mjög aukna skuldaaukningu nema til komi stórauknar tekjur. Þetta er þó því miður ekki eini vandinn sem meirihlutinn áformar að velta yfir á framtíðina. Til að undirstrika hugarfarið um að afleiðingar ákvarðana sem teknar eru í dag muni verða vandamál framtíðarkynslóða eru engar aðgerðir í loftlagsmálum á teikniborðinu þó á því borði liggi glóðvolg umhverfis- og loftslagsstefna Akureyrarbæjar sem samþykkt var í lok síðasta kjörtímabils.

Ágúst Hafsteinsson arkitekt frá Form Ráðgjöf kynnti hönnun á verkefninu.

Staða framkvæmda við A-álmu og hönnun á C-álmu kynnt.

Sigurður Gunnarsson verkefnastjóri nýframkvæmda og Ágúst Hafsteinsson arkitekt frá Form Ráðgjöf sátu fundinn undir þessum lið.

Liður 3 í fundargerð bæjarráðs dagsettri 1. september 2022:

Erindi dagsett 23. ágúst 2022 frá Hafsteini S. Hafsteinssyni f.h. umhverfis-, orku- og loftslagsráðuneytisins þar sem tilkynnt er um skipun nýs starfshóps til að skoða og gera tillögur til ráðuneytisins um nýtingu vindorku. Samráðsferli er hafið og er sveitarfélögum boðið að senda sjónarmið sín um málefnið til starfshópsins á netfangið vindorka@urn.is fyrir 30. september næstkomandi. Bæjarráð vísar málinu til umhverfis- og mannvirkjaráðs og skipulagsráðs og felur ráðunum að koma með tillögu að umsögn fyrir bæjarráð, fyrir fund bæjarráðs 29. september 2022.

Lagður fyrir ráðið listi með hugmyndir að uppbyggingu á ferðamannastöðum í landi Akureyrarbæjar.