Barnamenningarhátíð 2025

Umræða um hvort leggja skuli til grundvallar sérstakar áherslur við mat á umsóknum í barnamenningarsjóð vegna hátíðarinnar á næsta ári.

Jafnframt er lögð fram tillaga að breytingu á dagsetningu í verklagsreglum Barnamenningarhátíðar, sem hér segir:

Í 7 gr. segir:

Í ágúst er hægt að nálgast rafræna umsókn í íbúagátt Akureyrarbæjar og er umsóknarfresturinn 10 vikur.

Lagt er til að þetta breytist í:

Í síðasta lagi þann 1. október verður opnað á rafræn umsóknareyðublöð í þjónustugátt Akureyrarbæjar og er umsóknarfresturinn 10 vikur.

Þórgnýr Dýrfjörð forstöðumaður atvinnu- og menningarmála og Elísabet Ögn Jóhannsdóttir verkefnastjóri menningarmála sátu fund bæjarráðs undir þessum lið.

Kristín Sóley Björnsdóttir verkefnastjóri hjá Menningarfélagi Akureyrar (MAk) fór yfir skipulag Sumartóna 2025.

Ungmennaráð mun velja tónlistarfólk til að koma fram á Sumartónum. Sumartónar hafa yfirleitt farið fram sumardaginn fyrsta en búið er að leiga út Hamraborg sumardaginn fyrsta 2025. Ungmennaráð mun því einnig velja dagsetningu á Sumartónum 2025 í samráði við MAk.