Leiðakerfi strætisvagna, ferlibílar og frístundaakstur

Engilbert Ingvarsson verkstjóri Strætisvagna Akureyrarbæjar sat fund öldungaráðs undir þessum lið.

Lagt fram bréf frá stjórn Félags eldri borgara á Akureyri (EBAK) og fulltrúa EBAK í öldungaráði um frístundastrætó milli Birtu og Sölku.

Liður 3 í fundargerð öldungaráðs dagsettri 19. mars 2024:

Lagt fram bréf frá stjórn Félags eldri borgara á Akureyri (EBAK) og fulltrúa EBAK í öldungaráði um frístundastrætó milli Birtu og Sölku.

Stjórn Félags eldri borgara á Akureyri (EBAK) og öldungaráð Akureyrarbæjar beina því til bæjaryfirvalda að komið verði á tilraunaverkefni með frístundastrætó milli Birtu og Sölku.

Frístundaferðir af þessu tagi hafa verið í umræðunni hjá EBAK í nokkur ár. Margir komast ekki inn í venjulega fólksflutningabíla (rútur) nema e.t.v. með aðstoð og ekki heldur inn í stærri einkabíla.

Margir fara milli félagsmiðstöðvanna í einkabílum en bílastæði eru mjög takmörkuð á báðum stöðum. Frístundastrætó ætti að fækka þeim ferðum og er í það takt við óskir bæjaryfirvalda um minni umferðarþunga á götunum og hlutfallslega fækkun ökutækja.

Oft þyrfti að hafa aukastrætisvagna á álagstímum og svo hefur frístundastrætó vegna íþróttaæfinga skólafólks verið í umræðunni um nokkra hríð. Þessar ferðir ættu því að bæta nýtingu þeirra vagna.

Áheyrnarfulltrúi: Telma Ósk Þórhallsdóttir fulltrúi ungmennaráðs.

Hallgrímur Gíslason fulltrúi EBAK í öldungaráði og varaformaður ráðsins ræddi um beiðni stjórnar Félags eldri borgara á Akureyri og öldungaráðs Akureyrarbæjar um að koma á fót tilraunaverkefni með frístundastrætó milli Birtu og Sölku.

Hallgrímur Gíslason fulltrúi EBAK í öldungaráði kynnti niðurstöður úr frumkönnun vegna frístundaaksturs milli Birtu og Sölku.