Geðheilbrigðisþjónusta fyrir börn og unglinga á Sjúkrahúsinu á Akureyri

Félagsmálaráð Akureyrar lýsir yfir áhyggjum sínum af stöðunni í geðheilbrigðisþjónustu fyrir börn og unglinga á Sjúkrahúsinu á Akureyri. Þjónustan er í hættu vegna skipulagsbreytinga innan Sjúkrahússins á Akureyri. Heilbrigðisráðherra hefur svarað að tilmælum hafi verið beint til forstjóra Landspítalans og forstjóra Sjúkrahússins á Akureyri, að leita allra þeirra leiða sem færar eru til að greiða úr málinu. Félagsmálaráð Akureyrar mælist til þess að framvinda málsins verði undir miklu eftirliti heilbrigðisráðuneytis og væntir lausnar málsins sem fyrst.