Fráveita - upplýsingar um stöðu mála 2011

Umhverfisnefnd þakkar bæjartæknifræðingi kynninguna.

Valdís Anna Jónsdóttir S-lista óskar bókað:

Ég harma þá ákvörðun meirihluta L-listans að fresta framkvæmdum við fráveitumál bæjarins um 2 ár. Málið er brýnt umhverfismál sem þarf að laga hið fyrsta og getur haft mikil áhrif á starfsleyfi ýmissa fyrirtækja í bænum, sé ekkert gert. Jafnframt lýsi ég yfir óánægju með að ekki hafi verið kallaður til fagaðili (heilbrigðiseftirlit) til að fara yfir stöðu mála líkt og ég óskaði eftir.

Bæjarráð vísar erindinu til framkvæmdaráðs.

Framkvæmdaráð telur rétt að möguleikar í fráveitulausnum verði skoðaðir betur og felur bæjartæknifræðingi að vinna áfram að málinu.

Framkvæmdaráð óskar eftir að fá niðurstöður á mælingu Heilbrigðiseftirlitis Norðurlands eystra síðustu ára á svæðinu til samanburðar og yfirlit yfir þær aðgerðir sem önnur sveitarfélög á svæðinu hafa farið í á tímabilinu.

Framkvæmdaráð er sammála um að farið verði í endurbætur á núverandi útrás á þessu ári og felur Helga Má Pálssyni bæjartæknifræðingi að koma með endurskoðaðar tillögur að framkvæmdaáætlun þar sem gert yrði ráð fyrir að endurbæturnar rúmist innan áður samþykkts heildarramma. Jafnframt samþykkir framkvæmdaráð að fara í reglubundnar mengunarmælingar.

Framkvæmdaráð samþykkir að fela Helga Má Pálssyni bæjartæknifræðingi að ræða við lægstbjóðanda.

Framkvæmdaráð samþykkir að taka tilboði lægstbjóðanda og ganga til samninga við Skútaberg/Árna Helgason.