Athugasemdir við aðstöðu í íþróttahúsi í Laugagötu

Erindi dags. 22. nóvember 2011 frá Vilborgu Þórarinsdóttur f.h. Samtaka þar sem fram kemur að félaginu hafi borist ábendingar og kvartanir frá foreldrum er varða aðstæður barna til íþróttaiðkunar í skóla, nánar tiltekið í Laugargötu.

Erindi dags. 22. nóvember 2011 frá Vilborgu Þórarinsdóttur f.h. Samtaka varðandi beiðni sem borist hefur félaginu um að vekja máls á öryggismálum í rútum sem sjá um akstur í sund og íþróttir.

Á fundi skólanefndar þann 5. desember 2011 var fræðslustjóra falið að afla frekari upplýsinga um öryggismál í rútum sem sinna akstri nemenda í grunnskólum í sund og leikfimi, en borist höfðu athugasemdir frá Vilborgu Þórarinsdóttur f.h. Samtaka.
Fyrir fundinn var lagt minnisblað með upplýsingum um skipulag aksturs og ábyrgð aðila.

Tekið fyrir svar frá Óskari Gísla Sveinssyni verkefnastjóra viðhaldsverkefna hjá Fasteignum Akureyrarbæjar vegna athugasemda við aðstöðu í íþróttahúsi í Laugagötu. Svar Óskars er eftirfarandi:
"Farið var í endurbætur á brunavörnum í Íþróttahúsi Laugargötu að kröfu eldvarnareftirlitsins.
Eldvarnareftirlitinu var tilkynnt um að framkvæmdunum væri lokið nóvember/desember síðastliðinn.
Hér með staðfestist að brunavarnakerfi íþróttahússins er orðið fullvirkt og samtengt Sundlaug Akureyrar.
Sömuleiðis hefur nýjum útgönguleiðum verið bætt við úr íþróttasölunum."