Aðalskipulag Akureyrar 2005-2018. Dreifistöð raforku við Síðubraut

Lögð er fram tillaga að breytingu á Aðalskipulagi Akureyrar 2005-2018. Breytingin felst í afmörkun fyrir iðnaðarsvæði við gatnamót Hlíðarfjallsvegar og Síðubrautar þannig að hægt verði að reisa dreifistöð raforku við Síðubraut. Stöðin mun aðallega þjóna svæði við Rangárvelli og aksturs- og skotsvæði. Einnig er gerð breyting á afmörkun þéttbýlismarka á aðalskipulags- og sveitarfélagsuppdráttum vegna þessarar breytingar. Tillagan er unnin af Árna Ólafssyni, dagsett 8. apríl 2011.

1. liður í fundargerð skipulagsnefndar dags. 13. apríl 2011:
Lögð er fram tillaga að breytingu á Aðalskipulagi Akureyrar 2005-2018. Breytingin felst í afmörkun fyrir iðnaðarsvæði við gatnamót Hlíðarfjallsvegar og Síðubrautar þannig að hægt verði að reisa dreifistöð raforku við Síðubraut. Stöðin mun aðallega þjóna svæði við Rangárvelli og aksturs- og skotsvæði. Einnig er gerð breyting á afmörkun þéttbýlismarka á aðalskipulags- og sveitarfélagsuppdráttum vegna þessarar breytingar. Tillagan er unnin af Árna Ólafssyni, dags. 8. apríl 2011.
Breyting þessi felur ekki í sér stefnu um leyfisveitingar til framkvæmda, sem tilgreindar eru í lögum um mat á umhverfisáhrifum nr. 106/2000, og er hún því ekki háð lögum nr. 105/2006 um umhverfismat áætlana. Breytingin er óveruleg og hefur hvorki áhrif á ósnortna náttúru, jarðmyndanir og vistkerfi, sem njóta sérstakrar verndar, verndarsvæði né skráðar fornminjar. Breytingin hefur ekki í för með sér neikvæð áhrif á nágranna eða landnotkun og nýtingu aðliggjandi svæða.
Skipulagsnefnd leggur því til við bæjarstjórn að tillagan verði samþykkt í samræmi við 2. mgr. 36. gr. skipulagslaga nr. 123/2010.