Almennir byggingarskilmálar, bráðabirgðaákvæði

8. liður í fundargerð skipulagsnefndar dags. 24. nóvember 2010:
Skipulagsstjóri lagði fram tillögu um breytingu á tímabundinni undanþágu á hluta greinar 5.0 í almennum byggingarskilmálum vegna ástands í þjóðfélaginu.
Núverandi hluti hljóðar svo:
Eigi síðar en 18 mánuðum eftir veitingu byggingarleyfis skal lóðarhafi hafa gert hús og bílgeymslu fokhelt og frágengið að utan, jafnað og grætt lóð og gengið frá lóðarmörkum.
Tillaga að breytingu á tímabundinni undanþágu hljóði svo:
Eigi síðar en 30 mánuðum eftir veitingu nýrra byggingarleyfa og eigi síðar en 60 mánuðum eftir veitingu áður útgefinna byggingarleyfa skal lóðarhafi hafa gert hús og bílgeymslu fokhelt og frágengið að utan, jafnað og grætt lóð og gengið frá lóðarmörkum.
Skipulagsnefnd leggur til við bæjarstjórn að tillagan verði samþykkt og að undanþágan gildi í eitt ár.